Albistea entzun

IRLEN SAREA

Asko dago jokoan

Gorka Julio -

2020ko apirilak 25

Eztabaidarako momentua beti da, baina orain iritsi da behartuta askorentzat. Ustez, pandemiaren ondorengo egunetan, sakelako aplikazio baten beharra izango dugula esaten digute. Aplikazioen ezaugarri teknikoei buruz asko hitz egingo dugu, baina ez erabaki horren ondorioez.

Aplikazio bat erabili beharko omen dugula ia inork ez du eztabaidan jartzen. Gai teknikoez hitz egiten da, geoposizioa vs bluetootha, zentralizatua vs deszentralizatua, multinazional handiak vs software libreko soluzioak... Asko dira aukerak, baita bakoitzak dakartzan ondorioak ere. Irakurleari utziko diot Interneten nabiga dezan —apustu interesgarrienetako bat DP-3T protokolo irekia erabiltzen dutenak direla aurreratzen dut—.

Behingoagatik, halere, markotik atera nahiko nuke, eta, erabaki teknologikoa garrantzitsua dela esan ondoren, erabaki horren atzera-buelta ezintasunean jarri nahi dut azpimarra.

Lehenik: nork erabakitzen du hori baliagarria dela? Esperientzia desberdinak daude munduan eta aplikazio bat epidemien kontrolerako baliagarria izan badaiteke ere, lanketa handia behar du horrek. Datuekin gero zer egin, baina bereziki zer erantzun eman, delako garrantzitsua. Datuak izan eta neurri desegokiak hartu daitezke. Jendartearen %60 inguruko erabilpen zabal bat behar du aplikazioak, efizientzia maila batera iristeko, adibidez.

Aukerazkoa izan beharko luke, eta horra hor lehenengo paradoxatako bat. Aplikazio bat instalatu behar izateak, jendarteko kapa batzuetara bakarrik iritsiko litzatekeela kontutan hartuz. Aurrekari garrantzitsu bat ezartzen du. Beharrezkoa balitz, pribatutasuna ziurtatzen ez duten ereduak erabiltzen baditu bereziki, kontrolean oinarritutako etorkizunerako ateak irekiko lituzke parez pare. Horregatik, aplikazio horien erabilera ez behartua eta epe batean soilik erabiltzea bakarrik ahalbidetu beharko litzateke.

Kontrol horiek hasieratik ezinezko bihurtu eta aldi berean helburua eskuratzea posible da. Ezinezkoa, dikotomia faltsu bat da. Teknologia mailan bezala, legedi mailan ere beste ezertarako aplikazio horiek erabiltzea debekatu daiteke; ziurtasunez funtzionatzen dutenak testak dira.

Egoera okerrenean, erabaki gogorrak hartu behar izaten dira; ziurgabetasunaren aurrean, behintzat, atzera bueltarako aukera izan dezatela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...