Albistea entzun

BI TARTE

Ondoeza

MALEN AMENABAR

Amaia Iturriotz Etxaniz, Malen Amenabar - Txakur gorria

2023ko urtarrilak 15

Apaizak falta zaizkigu, entzun nion behin ateo bati. Apaizak? Aitorlekuak zeuzkan hark buruan. Zulotxodun leihatilak zeuzkaten egurrezko etxetxoak. Elizan sekula sartu ez denak telebistako bazkalosteko telesail amaiezinen batean ikusia izango du nolakoak diren. Ilunak. Esertzeko ezerosoak kasurik onenean. Deskuidatu ezkero, belauniko jarri behar. Instagram ez da eroso ez egoteko leku bat, argazkiaren iluna ezkutatzeko balio dute iragazkiek. Instagramen ere ba omen dago apaizik. Gimnasiora joaten dira, gainera.

Aitorlekuetan bekatuak aitortzen zituzten. Lehenaldian aritzea ez da egokiena agian, badakit, baina berdin da. Bekatuak eta, bide batez, kezkak. Beldurrak. Minak. Hau ez da erlijio kristauaren apologia bat. Lizentzia osoa duzue forma aldatzeko aitorlekuari: eman mendiaren itxura, adibidez, edo zeruarena. Naturatik ere oso urrunduta gabiltzala esango duzue batzuek. Bai, egia da, baina ez erabat. Gauza bat da ez jakitea porrua zein urte sasoitakoa den eta bestea oso ezberdina asfaltoaren bila ibiltzea etengabe. Eta ez, hori ez. Aste Santuko oporretan Costa Rican izan ginen. Animalia asko daude han. Eta landareak.

Erraiak alderrai sumatzen ditut aspaldian kalean. Garrasika, zerbaiten edo norbaiten bila. Kiroldegira joaten dira arnasestuka: astelehen eta asteazkenetan ciclo indoor, astearte eta ostegunetan GAP edo egunero crossfit. Ondoko bizikletakoaren izena jakiteko inongo ahaleginik egin gabe, izerdiaren bidez aitortzen dituzte kezkak. Lasaigarria da, lurruntzen dira batzuk noizbehinka. Skyscanner webgunean ere topatu izan dut urdail edo bihotz zatiren bat. Lau egun libre lanean. Pirinioak. Kantabria. Pirinioak berriz. Bordele. Madril. Ia hogei egun uda sasoian. Eskozia. Alpeak. Costa Brava. Mendia ala hondartza. Mendia eta hondartza. Andaluzia. Paisaiaren parte izatera behartuta dauden lekuak, janaria, eguzkia eta jendea. Trumoiz betetako maleta kafesnea lau euro kobratzera datorren zerbitzariaren gainean oihuka hustea lasaigarria izan daiteke, baina tranpa da. Heste lodia, aldiz, ez da urrunegi joan zalea. Ia egunero biltzen da beheko tabernan lagunen batekin kaña bat hartzeko. Hirutik gora edaten dituenetan nabari izaten zaio egien nekea gehien. Bekatuak ez ezik, lotsak eta beldurrak ere aitortzen ditu ezaguna bai baina laguna ez den bakarren baten belarrira eta biharamunean lotsatu egiten da ia beti.

Atmosferan nabari dut ondoeza. Noraeza. Mindfulness. Baraualdiak. Erretiroak. Terapia. Antsietatea esan daitekeen hitz bat da orain. Ulertzen duguna. Errai-bistan apaiz sinbolikoen bila gabiltzan garaiotan, justu oraintxe (kasualitatea), mahai gainean omen dago osasun mentalaren gaia. Eta estralurtarrak jarraika dauzkadala esango banizue? Sudurra deformatua dudala esaten didatela ahotsek? Gai naizela mundua aldaketa klimatikotik salbatzeko eta ozonoa babeste aldera aerosolak dauzkaten supermerkatuko desodorante guztiak erosi ditudala, suntsitzeko? Bada, hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...