Albistea entzun

IRLEN SAREA

Europa Saretan

Gorka Julio -

2020ko azaroak 28

Aste honetan ezagutu dugu Mycroft, software libreko euskarazko ahots morroi batean lanean ari direla zenbait euskal enpresa. Normalean Googlek edo Amazonek bakarrik egitea espero genituzkeen teknologiak, hemen eta orain sor ditzakegula erakusten ari dira, baina, nola da posible?

Ez dirudi ideia bikaina merkatu interesetik kanpo gelditzen diren lurraldeek edo sektoreek haien etorkizuna bost axola zaien enpresa teknologikoen esku uztea; ez, ez gaituzte kontuan hartuko. Software libreko tresnak oinarri hartuta, berriz, aurretik ehunka programatzailek egindako lana probestuz eta egokituz bakarrik lor daiteke horrelakorik. Argi esateko, ez litzateke posible izango software librerik gabe.

Softwarean ez ezik, ezinbesteko beste osagai bat da elkarlana. Alde batetik, bertako enpresa batzuen elkarlana, proiektu handiagoak aurrera eramateko gaitasuna izateko. Bakoitzaren urteetako ezagutza metatua partekatzeko prest dauden konfiantza eremu bat, alegia. Bestetik, marko europarraren barnean, hizkuntza teknologien alorrean edukiak partekatzeko European Language Grid plataforma edo azpiegitura. Egitura bat, hizkuntza teknologien arloan elkartrukea erraztu eta ahalbidetzen duena, eta gune bat, mugaz gaindi hizkuntza gutxituentzako, bereziki elkarlaguntzarako.

Bi faktore horiez osatutako formula honek arrakasta badu, orokortu beharko litzateke. Europa, teknologia mailan, egoera oso zailean dago. Teknologia eta azpiegitura propioak izateko gero eta arazo gehiago dauka, ez baitu ez hardware eta ez software industria indartsurik. Hardwarearenak soluzio zailagoa du, baina softwarearenak badu soluziobiderik.

Hemen ekoizten zen softwarea ere, enpresak zerbitzu izatera bideratzean, galtzeko arriskua dago. Askok lehen haien softwarea garatzen zuten, baina orain, prozesuak beste batzuekin bateragarri egiteko, enpresa gutxi batzuen softwarea erabiltzera pasatzen ari dira. Industria 4.0k eragindako aldaketaren ondorioz, esaterako, makina-erremintarako hemen egingo zen software asko; orain, gertuen, Alemanian egingo dute, hemen egokitzera soilik mugatuz. Hori zorterik badugu; bestela, AEBen edo Txinaren teknologiaren artean aukeratu beharko baitugu. Software librea eta elkarlana oinarri duen industria bat sortzera behartuta dago Europa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...