JIRA

Aldaketa

Angel Erro -

2018ko irailak 1
Eskerrak ez diodan amonari azaldu behar. Ez nuke jakinen nola. Urte erdian ohiko solasgai izaten zuen ordua noiz aldatuko zuten, noiz aurreratuko; beste erdian, noiz aldatuko zuten berriz, noiz atzeratuko. Beti gogait gaiztoz. Denborari eskatzen zion denborak dagoeneko eman ezin ziona.

Europar Batzordeak, hainbat europarrek parte hartutako inkesta publikoa aintzat hartuz, udako ordutegia (martxoko azken igandean ordu bat aurreratzea) bertan behera uzteko proposatuko omen die estatu kideei. Edo negukoa. Ez dut zehazki azalduko didanik.

Inoiz esan dut ordu aldaketok, energia aurreztea helburu gabe, hiritarren otzantasuna entrenatu eta testatzeko simulakro bat besterik ez zirela (hain gara esaneko, bizi garen orduaz alda gaitzakete egun bakarrean, denok batera, eta guk ameto). Ordujabetza aldarrikatzeko deia ere egin izan dut, gazteagotan. Teorian behintzat ederki ematen zuen.

Oker nengoela onartzen hasi beharko dut, baina zertaz kexatu izatearen amoreagatik, batetik, pentsatzen hasiko naiz simulakroa amaitzea erabaki dutela gure otzantasuna ongi frogatuta gelditu zaielako eta, bestetik (amona zena gogoan), baita aldaketarik txikienaren itxaropena uztearen beharra ikusten ez dutelako ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna