Albistea entzun

JIRA

Ostatu Donostian

Angel Erro -

2022ko maiatzak 18

Joan den astean artikulu bat leitu nuen, egunkari honetan, Arte Ederrak eraikinean egin beharreko Hilton hotelaz, zeina Donostiako 133.a izanen baita; azken sei urteetan hirian 45 hotel eraiki dituztela ere jakin nuen bertan. Horraino datuak, buruan jira eta bira gelditu zitzaizkidanak, ez baita harritzekoa, hain dira zoratzeko modukoak. Jakin-minak zenbait ostatu-plataformatan prezioak kontsultatzera eraman ninduen, kuxkuxeatzeko eta akaso hortaz idazteko hemen.

Ordu txarrean. Orduz geroztik etengabe agertzen zaizkidalako Donostian ostatu hartzeko eskaintzak, oroigarriak eta amuak, prezioak azkenaldian zenbat jaitsi diren azalduta. Hain da handia jazarpena (webgune batean baino gehiago kontsulatu nuen-eta), ezen pentsatu baitut gela baten erreserba eginez baino ezinen dudala gelditu, betiere azken unean bertan behera utz dezakedala aintzat hartuta. Ezeztatzeko asmoa nuenez gero, ez nion xahutuari begiratu. Gelarik luxuzkoena, hirigunetik zein hondartzatik gertu dagoen hotel garestienetakoan, bi lagunentzako.

Gaur (hau argitaratzen den egunean) dut doan kantzelatzeko azken eguna. Dagoeneko hasi naiz beste hotel batean bilatzen. Norbaitek beharko du-eta Donostia desturistifikatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.