JIRA

Neutralizatu

Angel Erro -

2018ko abenduak 15
Berriz egin dute. Ustezko terrorista bat, heriotzak eragin omen dituena, bilatu, eta tiroz hil dute, atxilotu beharrean. Gero, ideologiaren transmisio uhalarena egiten duen prentsak notizia termino militar edo are zinegetikoetan zabaldu dute («le terroriste a été neutralisé», «el sospechoso, abatido por la policia»...). Berriz egin dute, eta herritarrak honelakoetara ohitzen hasteko arriskuan gaude. Kasu bakan batzuk balira, defentsa pertsonala edo zailtasun handiko operazioaren amaiera tragiko eta halabeharrezkoak balira bezala proiekta genezake geure irudimen zinematografikoan. Baina susmagarri gertatzen hasi zait. Barkatu, ez naiz gaiztoen aldean paratzen ari. Badakigu ezkertiarrok nolakoak garen, saltsa mehe egitea hainbeste gustatzen zaigu, terroristak defendatzen amaitzea ez baita gauza arraroa. Berez, geure burua (eta mundu guztiarena) ari gara defendatzen. Beste egoeratan ere ikusi dugulako terrorismoaren aurkako borrokaren aitzakiaz guztion eskubideak noraino murriztu diren. Eta epaitua izatearena, epailearen aurrera bizirik iristea (gerokoak gerorako), berez, aski eskubide oinarrizkoa iruditzen zait, ustezko terroristen neutralizazio edo akabatzea hain arin pasarazteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna