JIRA

Markagailua

Angel Erro -

2019ko azaroak 6
Azken egunetan markagailu bati lotuta nauka jakin-minak, edo morboak, edo amorruak. Tarteka begiratzen dut zenbat jarraitzaile galdu dituen Iruñeko Udalaren gaztelaniazko kontuak Twitterren (oraintsu arte elebiduna zena, baina hizkuntza diskriminazioa burututakoan jarraitzaile guztiekin geratu dena) eta nola hazten doan Iruñeko Udalak elebakarrek euskararen arrastorik ere usna ez dezaten zerotik sortutako euskarazko kontua. Berdinduko ote diren. Funtsean badakit ez dituela alkatea eta bere alderdi eta koaliziokideak nik sinetsi nahi dudan beste gogaituko. Berdindu edo gaindituko balu euskarazkoak gaztelaniazkoa eta hori laidogarria dela erabakiko balute, beti dei diezaiekete komeni zaien hedabide bati edo besteari (Forocoches-en eskaera bota) eta gaztelaniazko kontuak pairatutako (nola esaten da?) troleoari buelta emateko kanpaina abiarazi. Hala egiten ez badute (ikusteko dago) da berez lortu dutelako nahi zutena: iruindar onek, iruindar normalek, iruindar behar bezalakoek euskarazko berbez lohitutako txio sorta ikusi behar ez izatea. Ana Beltran pozik egonen da.

Hor utz nezake esan beharrekoa, baina galdetuko nuke euskal telebistaren hizkuntz bereizkuntzak ez ote duen emaitza bera lortzen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna