JIRA

Posta

Angel Erro -

2018ko urriak 13
Raymond Carverren ipuin bateko pertsonaia banintz bezala, egunero begiratzen dut postontzia. Irekitzen dut, barruan ezer ez dagoela kanpotik ongi ikus badaiteke ere. Postontzikoa, badakit, ohitura bat da, beste garai bateko aztarna, nigan oraindik irauten duena, ia bulkada obsesibo-konpultsibo bat. Postontzia ireki ohi dut kalera irten aurretik eta kaletik itzultzean ere. Normalean emaitza berarekin. Neure burua inoiz psikoanalizatuko banu, argitu beharreko kontu bat litzateke, ez baitut gogoan niri inoiz deus erabakigarririk (maitasun gutunen bat edo) postaz iritsi izana. Agian galtzear dagoen ekintza batean tematzeko puntu nostalgikoa da, denborak eraman dizkidan bestelako gauzen ordezko.

Egiazki, gero eta deusezagoak dira postontziak. Orain gutxira arte, jendeak erdi txantxetan esaten zuen, norbaitek postontzia irekitzen harrapatuz gero, «bankuak baino ez dit idazten», «fakturak besterik ez», hasperen imintzio batekin batera. Horiek ere murriztu dira, bankuek posta kostuak aurrezteagatik. Etxekonekoek atarian erantsi duten oharpenak, esanez gurean publizitaterik onartzen ez dugula, ez du laguntzen. Posta elektronikora behintzat bai iristen zaizkit, oraindik, publizitatezko mezuak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna