JIRA

Asteko egunak

Angel Erro -

2019ko abenduak 21

Langile autonomoen elkarte batek txostena argitaratu du. Beregain esaten omen zaie euskaraz langile autonomo direlakoei, Zehazki hiztegiaren arabera. Goiburu batera eraman dute datu deigarria. Bost langile autonomo edo beregainetatik batek asteko zazpi egunetan lan egin behar izaten du. Joan den egunean euskaraz ez dakien morroi batek zehatz-mehatz azaldu zidan euskal aste berezkoa (edo beregaina) hiru egunekoa baino ez zela. Datuek (eta apetazko erudizio erakustaldiek) batzuetan deprimitzen naute. Ni langile autonomo edo beregaina naiz eta ez nuke jakinen (euskal edo erdal) asteko zenbat egunetan lan egiten dudan. Langile autonomo edo beregainaren alde makurrenetakoa, nire ustez eta nire eskarmentuan, horixe da, batez ere lana etxean eginez gero, lanbrotzen zaizula noiz zauden lanean eta noiz ez. Goiko inkesta horretako bost langile beregainetatik zenbatek ez dakiten/ez darantzuten jakin nahiko nuke. Kirmen Uriberen azken poema liburuan bada Mendebaldar izeneko poema, asteko (zazpi) egunak sei alditan errepikatuta, sei euskalki eta erdalkitan. Atzo bi (soldatapeko) laguni galdetu nien haiek ulertzen ote zuten. Gaur susmatzen hasita nago ez ote den langile autonomo baten egunerokoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna