Albistea entzun

JIRA

Belaunez

Angel Erro -

2021eko apirilak 14

Gaur orrialdeok Blanca Urgellekin konpartituko ditudanez, fabore bat eskatzeko aprobetxatu nahi dut, bere zutabe zoragarri horietako bat belaunei eskain diezaiola. Belaun batean arazoak izan eta mediku kontuetan hasi naizenetik ohartu naiz gehiago fijatzen naizela besteen belaunetan. Inoiz ez nuen uste gorputzaren bestelako gihar eta koskorren gainetik atentzioa emanen niela koadrizeps eta belaunburuei.

Artikulazioak pizten didan interesa ez da bakarrik erotikoa, filologikoa ere bai. Euskarazko hitza nondik datorren, eta baita leinuarekin berdintzen duen adiera ere. Buruan ibilita ere ez dut ikusten belaunetik belaunaldira nola igaro den. Corominesek esana aurkitu dut: aragoieraz eta frantses zaharrean belaunak esanahi hori ere bazuela, latinezko genuculum txikigarritik. Jatorria izan daiteke aitek seme-alabak nola aurkezten zituzten, belaunen gainean. Beste toki batean ikusi dut emakumeak belaunetan jarrita erditzeko ohitura bazegoela.

Gero, Urgellek maiz egiten duen bezala, azken lerroak baliatu nahi ditut gaurkotasuneko gai batekin lotura egiteko. Garbitzaileen greba aipatzeko eta babesteko, adibidez. Mende luzeetan andreek belaunez egin duten lanaren baldintzak hobetzeko zutik eta irmo eskatu behar da-eta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna