Albistea entzun

EKOGRAFIAK

Jan ala bidaiatu?

Amaia Garcia -

2022ko uztailak 19

Uda bidaiatzeko une aproposa izaten da. Bidaiatzeko modu asko daude, baina, niri bereziki, asko gustatzen zait bidaiak janariarekin uztartzea. Bidaiatzen dudanean kultura berriak ezagutu nahi ditut, eta, hori egiteko, janaria ezinbestekoa da. Janariaren bitartez bisitatzen ari naizen herrialdean landatzen diren fruituak ezagutzeko aukera dut edota arrantzatzen den arraina ezagutu dezaket.

Bidaiak eta janaria uztartzen dituzten erreportaje eta dokumental ugari aurki daitezke telebistan eta plataformetan. Besteak beste, Latinoamerikako janaria oso ondo ezagutzeko aukera ematen digun Street Food Latin America (Netflix) biziki gomendatzen dut. Asiako gastronomia ezagutzeko dokumental antzekoak egin zituzten Netflixen ere. Plataforma horretatik mugitu gabe, azken asteetan harrapatu nauen telesail dokumentala aurkitu dut: Somebody Feed Phil saioaz ari naiz. Bertan, Phil Rosenthal munduko txoko desberdinetara bidaiatzen ikusi dugu. Iristen den hirietara iristen dela, bertako merkatuak arakatzen ikusiko dugu, eta, ahal badu, kaleko postuetan jaten saiatuko da. Bere bidaiatzeko modu horrekin oso ados nago. Azokak ikustea asko gustatzen zait eta kalean aurkitzen den janaria beti izaten da herri bat ezagutzeko modu apartena. Rosenthalek munduko txoko asko erakusten dizkigu bere lanaren bitartez, eta, kaleko janariaz gain, bisitatzen duen hiriko jatetxe onenetan jateko aukera du. Nahasketa oso interesgarria egiten du, kaleko janaritik hasi eta eliteko sukaldaritza erakutsi arte.

Telesail hori ikusten, zutabe honetan aurretik aipatu dudan Julia (HBO Max) telesailaz gogoratu naiz. Julia Childek horrelako bidaiak egitea gustuko izango lukeela ezin dut dudan jarri. Bere telesailean ikusi genuen bezala, janariaren maitale sutsua zen eta Frantziako sukaldaritzaz maitemindu zen.

Udan urrutira bidaiatzeko aukera ez baduzue, horrelako saioak pantaila txikian ikustea ideia aparta iruditzen zait. Etxeko sofatik munduko jakiak ezagutzeko aukera ematen digu Phil Rosenthalek eta, askotan, jaten dituen jakien zaporeak nolakoak diren igartzeko aukera ematen duela dirudi. Beraz, zure hurrengo bidaia telebistaren aurrean egin nahi baduzu, aukera ezazu zure helmuga eta goza ezazu janariaz. On egin eta bidaia on!

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.
 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...