Albistea entzun

EKOGRAFIAK

Arriskua

Amaia Garcia -

2022ko martxoak 3

Arteak sentimendu asko sor ditzake: nazka, tristura, asperdura, gorrotoa, maitasuna edota antsietatea. Sentimenduak helarazteko sortzen da artea, eta modu askotan ikusi dugu gizakiaren historian zehar. Margolanak, eskulturak, arkitektura edota zinema emozioak eta istorioak kontatzeko bideak izan dira. Aurreko astean Euphoria (HBO Max) telesailak egin zuen geldiuneaz idatzi nuen. Telesaila Lexiren antzezlanaren barruan sartu zen zazpigarren kapituluan. Horren bitartez, ikus-entzuleoi arnasa eman zigun. Antsietate maila jaitsi ostean, azken kapitulua indartsu etorri da, eta protagonista batzuk film batean bezala sentitu direla esan dezakegu.

Telesailak geldiune beharrezkoa eduki eta gero, azken kapituluetan ikusi dugun antzezlanak geldiune arraro bat izan du. Lexiren ahizpa eszenatoki gainera igo da, eta aktore bati eraso egin ondoren, iskanbila sortu da bere lagunekin. Lexi antzezlan horren zuzendaria da; bere ahizpak sortatuko gertakarien ostean, gela batean itxi da. Antzezlanarekin jarraitzeko beldur da, eta bere laguntzaileak gako hitzak eman dizkio aurrera egin dezan. Artea arriskutsua izan daitekeela esan dio. Lexik arriskua aurretik hartu zuen, antzezlana idazten hasi zenetik bazekien ez zela bere ahizparen gustukoa izango. Hori jakinda ere, aurrera egin zuen castingarekin: eskola guztiaren aurrean aurkeztu du lana.

Azken kapituluan, protagonista askok arrisku desberdinak hartu dituzte. Erabaki horien ondorioz, batzuk txalotuak izan dira eszenatokiaren aurrean, eta beste batzuek beren bizitzak guztiz aldatu dituzte. Telesaila bizitzan dauden gauza arriskutsu askoren inguruan mintzo da. Droga-mendekotasuna izan da nabarmenena, baina azkeneko kapituluetan armen presentzia handitu egin da, eta eskolatik kanpo tiroketa bortitz bat ikusi dugu. Bizitzaren eta heriotzaren arteko muga fina agerian geratu da; biolentzia fisiko eta psikologikoa presente egon da.

Lexiren ahizpak, aldiz, komunean amaitu du, bere lagunekin. Aurretik hartutako erabaki arriskutsu batek eraman du egoera horretara. Bere lagun onenarekin haserre amaitu du mutil batengatik. Bere lagunaren kolpea jaso ostean, errealitatea zein den ikusi du. Arriskutik urrundu dela dirudi, baina inoiz ez dakigu noiz itzuliko den gurera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Geu elkartearen herri bazkaria, atzo, Landatxon. ©RAUL BOGAJO / FOKU

Loratzen jarraitzeko

Edurne Begiristain

Geu elkartearen 30. urtemuga ospatzeko, egun osoko jaia egin dute Gasteizen. Elkarteko kideen ustez, «mugarri» bat ezarri da euskarak hiriburuan dituen erronkei heltzeko.
 ©OSKAR MATXIN EDESA / FOKU

«Dena dut gogoan: iruditzen zait italiarrak ikusten ari naizela zubitik etortzen»

Amaia Igartua Aristondo

Ederto gogoratzen ditu Basabek 1936ko gerran eta frankismoan bizi izandakoak: hegazkin bonbardatzaileak, italiarrak, beldurra eta gosea; egur eta ikatz bila joan behar izatea txikitan, amari ezer ez faltatzeko. «Bizitza osoan eraman behar da hori».
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.

 ©BERRIA

Hamaikak telebista adimendunetarako bere aplikazioa estreinatu du

Enekoitz Telleria Sarriegi

Hamaikaren digitalizazioan «beste jauzi bat» da aplikazioa. Ostiralean jarri zuten eskuragarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...