LABURREAN

Berria -

2019ko otsailak 8
Herri ekinaldi legegileak bi lege aldatzeko proposatzen zuen.

Gizarteratzeko eta diru sarrerak bermatzeko legea

Eskubideen titularrak. Gutxienez, hemezortzi urte izatea; egun, 23 behar dira. Laguntza eskatzeko, EAEn urte batez erroldatuta egotea; egun, hiru urte behar dira.

Errenta kalkulatzeko eredua. LGS lanbidearteko gutxieneko soldatarekin lotura indartu. Gaur egun, Jaurlaritzak zehazten du.

Errentaren kopuruak. Pertsona batentzat, LGSren %100; bi pertsonako elkarbizitza unitateentzat %150; hiru pertsonako edo gehiagoko unitateentzat, %200.

Etxebizitza partekatuetan. Elkarbizitza unitate guztiek jaso ahalko dute DSBEa. Gaur egun, ez.

Eskubidearen iraupena. Onuradunak baldintzak betetzen dituen bitartean aitortuko zaio. Egun, bi urtean behin berrikusten da.

Gizarte larrialdietarako laguntza. Eskubide subjektibo izatea proposatu du, aurrekontu mugaturik ez izateko. Egun, diru sail mugatua dute laguntza horiek, eta urtea amaitu aurretik agortu ohi da.

Etxebizitza legea

Eskubidea betetzeko modua. Eskumena duen administrazioak etxebizitza baterako sarbidea erraztu beharko dio baldintzak betetzen dituenari, etxebizitzarako laguntza ekonomikoa jaso arren.

Errenta. Dagokion sailburuak zehaztuko du, etxebizitzaren azalera kontuan hartuta, eta inoiz ez da izango bizilagunen diru sarreren %15 baino gehiago. Egun azalera baino ez da kontuan hartzen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Informazio osagarria

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna