Albistea entzun

ATZEKOZ AURRERA. David Cacchione. Banda Bassotti taldeko kidea

«Kultura erabili dugu borroka brigada gisa»

Atzera begira, Banda Bassotti taldearen ibilerak jaso ditu Cacchionek bere memoria liburuan. Musikaren bidez borrokarako deia egiten jarraitzen dute: «Ezin dugu pentsatu betiereko porrota garenik».
IDOIA ZABALETA / @FOKU Tamaina handiagoan ikusi

Iker Tubia -

2021eko irailak 14 - Iruñea

Erromako Banda Bassotti taldea ezaguna da Euskal Herrian, lotura estua baitu aspalditik. Taldea sortu zutenetako bat da David Cacchione (Erroma, 1960), eta Iruñean eta Altsasun (Nafarroa) izan da bere memoriak biltzen dituen liburuaren gaztelaniazko itzulpena aurkezten: Toda una vida. Memorias de un obrero internacionalista.

Zergatik erabaki duzu zure memoriak idaztea?

Duela bi urte Angelo Sigaro hil zen, eta ohartu nintzen heriotza gertu dela; beraz, bizi izandako guzia idaztea pentsatu nuen. Horrekin batera, azaldu nahi nuen nola lau lagunek oharkabean komunitate bat sortu dugun. Banda Bassottirekin egon gara Palestinan, Nikaraguan, Sirian, El Salvadorren, Venezuelan, Kuban... musika bidaiak ziren, bai, baina baita elkartasun internazionalistako bidaiak ere.

Lau lagunen burutazio bat izan zen Banda Bassotti?

Lau gazte langile ginen, gauza asko egitera iritsi direnak inguruko babesari esker. Posible da gauza asko egitea gogoa baduzu, eta beti gauzak erdizka uzten ez badituzu. Musika banda alor bat da, baina mugimendu transbertsal bat da gurea.

Nola sortu zenuten taldea?

1970eko hamarkada hondarreko mugimendutik heldu gara. Lehenbizi, elkartasun ekimenak antolatzen hasi ginen: behin, El Salvadorri elkartasuna adierazteko eta misilak erosteko kontzertua antolatu genuen: bost milioi lira lortu genituen gerrillari emateko.

Liburuan diozu kanta on asko egin dituzuela, baina zuen indargunea dela jotzen duzuen hori zaretela. Hori da arrakastaren gakoa?

Noski, kontzertuetara etortzen den jendea identifikatzen da Stalingrado eta antzeko kantekin. Jendeak badaki gatazka eremuetara joaten garela. Ez dugu soilik kantatzen, borroka egiten dugu. Jarraitzaile asko gurekin etortzen dira elkartasun karabanak antolatzen ditugunean; harreman estua dugu haiekin.

Euskal Herriarekin duzuen harremana zergatik da hain estua?

Brigadak antolatu genituen Nikaraguara, eta bueltan haien aldeko kontzertu bat antolatu genuen. Adiskide batek Kortaturen zinta ekarri zuen Nicaragua Sandinista kantarekin, eta gonbidatzea pentsatu genuen. 1987an etorri ziren, gero gu sanferminetan izan ginen; geroztik askotan jo dugu elkarrekin. Erromatik beti ikusi dugu Euskadi kultura eta borroka eredu gisa.

Internazionalismoa oholtzatik defendatu behar da?

Bai, gu borrokarekin loturik gaude. Altsasuko gazteen aldeko pankarta kontzertu guztietan atera dugu. Kontzertu bat ez da mitin bat, baina beti saiatu gara kultura borroka brigada baten gisa erabiltzen.

Konpromisoaz eta militantziaz mintzo zara liburuan. Ezin zuen bestela izan zure bizitzak?

Ez. Maite dut goizean esnatu eta ispiluari begiratzean lotsarik ez sentitzea. El Salvador eta Nikaraguako nekazariekin egon gara, Donbassen aurreko egunean bonba bat zartatu zen tokian egon gara... Haiekin identifikatu eta haiengatik borrokatu behar dugu.

Etengabe aipatzen duzun borroka asko aldatu da?

Dekoratua aldatu da, baina kapitala betiko bera da; beraz, komunistek batasuna lortu behar dugu borrokatzeko. Batasunik gabe, ez goaz inora. Italian azken 30 urteetan borrokaren bidez lortutako eskubide asko galdu ditugu langileok.

Nola pitz daiteke borroka hori?

Pentsatzea aski litzateke, eta ez aditu telebistek diotena. Telebista eta egunkariak industria handien eskuetan daude; beraz, informazioa da irabazi beharreko lehenbiziko bataila.

Bizitzari errepasoa emanda, zer irakasbide atera duzu?

Beti egin dugu sinesten genuen hori; batzuetan, ez dugu burutu, baina saiatu gara. Ezin dugu pentsatu betiereko porrota garenik.

Zer asmo duzue aurrerantzean?

Diskoa grabatu berri dugu, eta Kubaren aldeko elkartasun kanpaina abiatu dugu. Karabana bat antolatu nahiko genuke.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eguzki irratia ©Jaoba Manterola / Foku

Eguzki irratiak salatu du lege berriak ez diela lizentziarik bermatzen irrati komunitarioei

Urtzi Urkizu

Hala ere, Iruñeko Eguzki irrati libreak lizentzia eskaera egingo du. Irratiak uste du badaudela nahikoa arrazoi lege berriaz ez fidatzeko.

2020ko deialdian parte hartu zuen Oletzero bat. / ©Andrakatue

«Zarpail edo dotore, gizon edo emakume, sor ditzagun gure Olentzero propioak»

Jon Ordoñez Garmendia

Dantzan.eus atariak dei egin du etxean, eskolan, lantokian edo ikasgelan bakoitzak bere Olentzero egitera.

Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iker Tubia

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.