Albistea entzun

ATZEKOZ AURRERA

Iragana, liburu zaharretan jasoa

XX. mendean idatzitako liburuez gozatzeko aukera dago Gasteizko liburu zaharren azokan. Tokiko eta nazioarteko sei erakusmahai daude guztira, eta ekainaren 5era arte izango dira zabalik.
Gasteizko liburu zaharren eta bigarren eskukoen azokaren 27. aldia da aurtengoa; Urrezko Zeledonen plazan dago.
Gasteizko liburu zaharren eta bigarren eskukoen azokaren 27. aldia da aurtengoa; Urrezko Zeledonen plazan dago. RAUL BOGAJO / FOKU Tamaina handiagoan ikusi

Unai Etxenausia -

2022ko maiatzak 28 - Gasteiz

Zaharra dena berritu, edo bestela mantendu. XX. mendeko historia luzea jasotzen dute mahaietako liburu zaharretako orriek. Hainbat begik irakurri dituzten istorioak edo oraindik inork irakurri ez dituenak dira gehienak. Idazkeran igartzen da ez direla mende honetakoak. Liburu zaharrak dira, iragana kontatzen duten milaka lagin: nobelak, arte liburuak, eskuizkribuak, argazkiak... Hain zuzen, horrelako idatziez gozatzeko aukera dago liburu zaharren eta bigarren eskukoen azokan, Gasteizen.

Maiatzaren 25ean zabaldu zuten 27. azoka, Urrezko Zeledonen plazan. Besteak beste, helburu hauek ditu: liburu zaharren berreskurapena sustatzea eta bibliografiarekiko eta bildumazaletasunarekiko interesa bultzatzea. Horregatik, liburu zahar erabiliak eta bigarren eskukoak dira merkatuko erakusmahaietan aurki daitezkeen altxorretako batzuk.

Liburu horietako gehienak XX. mendekoak dira, baina badaude antzinakoagoak ere. Sei liburu dendatako lagunak parte hartzen ari dira azokan. Euskal Herrikoa da bat, eta nazioartekoak gainontzekoak: Asilo del libro, Sekhmet —Gasteizkoa den bakarra—, Torres de Valencia, Hamburgo, Maxtor eta La Ela.

Bada, horien liburuez gozatu nahi duenak ekainaren 5era arte izango du azoka bisitatzeko aukera, 11:00etatik 14:00etara eta 17:00etatik 21:00etara.

Faksimileak dira Maxtor liburu denda eta editorialaren mahaian atentzioa ematen dutenak: antzinako jatorrizko dokumentu eta liburuen kopia zehatzak dira. Pilar Rodriguez dago mahaiaren beste aldean, eta, esaterako, salgai ditu Arabako antzinako historiaren berri ematen duten liburuak. «1.700 liburu baino gehiago editatu ditugu», azaldu du, harro. Horrez gain, antzinako arte katalogoak ere saltzen ditu, eta badituzte haiek editatutako karta sorta zaharrak ere.

Deskatalogatutakoak asko

Liburuetako askoren orriek dagoeneko marroiaren eta horiaren arteko kolorea dute hartua. Hain zuzen, itxura hori daukate Francesc Reuna La Ela liburu dendako saltzaileak saltzen dituen liburu gehienek; izan ere, deskatalogatuta daude asko. «Hemen aurki daitezkeen liburu gehienak oso zailak dira beste inon aurkitzen». Hori da azokaren bereizgarrietako bat, Reunaren ustez.

Are, «prezio onean» saltzen dituzte, eta, beraz, Rodriguezek nabarmendu du «aukera ona dela» irakurleentzat normalean eskura izan ohi ez dituzten liburuak ikusi eta erosi ahal izateko.

Bitxia badirudi ere, gazte dezente ikus daitezke liburu zaharren artean saltzaileekin berriketan. Horietako bat da Beatriz Martin, nobela beltzeko liburuen irakurle amorratua. Ohituta dago «liburu denda modernoetara» joaten, baina badaki eskaintza hori baino zabalagoa dela. «Benetan irakurtzea gustatzen zaionarentzat, beharrezkoak dira azoka hauek». Ez da denbora asko egon azokan, baina liburu bat eskuan duela joan da.

Bada, Rodriguez eta Reuna «eskertuta eta pozik» daude Martinen gisako irakurleekin: gogoko dute Gasteiz. «Nabaritzen da gasteiztar asko irakurle amorratuak direla», goraipatu ditu Rodriguezek. Eta Reuna ere gustura dago jendearen erantzunarekin: «Espero zuten azoka ekainaren amaieran hastea, baina gasteiztarrek oso ondo erantzun dute, eta saldu ditugu liburuak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kamisetak banatu zizkieten atzo parte hartzaileei, Maulen. ©GUILLAUME FAUVEAU

Bueltan da olatu laranja

Eire Maia Manterola

Abiatu da IV. Euskarabentura espedizioa. Gaur egingo dute lehen etapa abenturan izena eman duten 127 gazteek: Mauletik Pagolara joango dira.
Iaz, ohi baino talde gutxiagok parte hartu zuten Donosti Cupen, osasun egoera dela eta. ©MAIALEN ANDRES / FOKU

Baloiak elkartuko ditu berriz

Ane Insausti

Inoiz baino talde gehiago arituko dira 30. Donosti Cupen: 754. Etzi hasi eta larunbatean amaituko da, eta jarduera guztiak egingo dituzte berriz ere.

Bilboko erraldoiak, Mariaren Bihotza plazako aztarnategian. ©BERRIA

Erakusketa erraldoi bat

Enekoitz Telleria Sarriegi

'Bilboko erraldoiak' erakusketa Mariaren Bihotzaren plazako aztarnategian jarri dute aurten, eta irailaren 11ra arte egongo da ikusgai. 1980ko eta 1988ko hamasei erraldoi daude bertan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...