ATZEKOZ AURRERA. Pascale Michiels eta Kathleen Vandenhoudt. Kantagileak

«Izatearen etengabeko sentsazioa dugu hemen»

Txinatar ilargi-gitarraz americana eta roots & bluesa jotzen dute, beren boz indartsuek lagundurik. Euskal bira bukatu berri dute.
DAVID HENDERSON Tamaina handiagoan ikusi

Ainize Madariaga -

2019ko uztailak 18

Meditazioak nola, Pascale Michielsek (Merkger, Flandria,1968) eta Kaathleen Vandenhoudtek (Diest, Flandria, 1969), inguru osoa ahantzirik, hemen eta orain egonarazten dute. Entzulea besarkatu eta irensten du haien bozak eta musikak. Bada balditzekorik. Euskal Herriko bira bukatu berri dute Hoztan (Nafarroa Beherea).

Flandriatik Euskal Herrira.

PASCALE MICHIELS: Elizondon bizi den Vader Marinus herbeheretarrak ikusi gintuen; hortik proposatu zigun Euskal Herrira joatea eta Pantxoa Etxebehere Pottoka amaiurtarrarekin bira bat egitea. Zortzi kontzertu eman ditugu: mamitsua izan da, bai, jende sakona eta beroa ezagutu baitugu; zinez hunkitu nau sakonki. Izugarri kontent naiz, ahantzezina izan da abentura hau. Euskal bakea topatu dugu. Adibidez, Tomas Sobrino Elizondoko pintorea, So Quiet kantua entzun eta berehala, negarrez hasi da, ez baitzuen musikarik atzematen bere erakusketarako.

KAATHLEEN VANDENHOUDT: Ezin sinetsia izan da. Ez dago hitzik. Urrats bat egin, eta ondokoak bertze askotara eramaten zaitu. Deus ez da sobera izan, borobila izan da, eta denak lotura izan du. Marea bezala: energiaz hustuak etorri ginen, baina orain gainezka gaude! Idatzi nahi izan dut, baina emozio sobera dudanez, ezin izan dut! Denbora beharko dugu hori guzia digeritzeko.

Zer bada bertzeetan ez dagoenik?

K. V.:Udazkeneko hostoak bezala erori gara; usatuak gara jendea ezagutzen, baina hemen bertze zerbait da, harago doa, izatearen etengabeko sentsazioa dugu, etxean gara.

P. M.: Zaila da hitzak atzematea sentimendua deskribatzeko. Bibrazio bera sentitu dut denetan.

Hiri nahiz herrietan ibili zarete.

K. V.: Beran, kontzertutik landa, publikoa guregana lerroan etorri zaigu besarkatzera! Baionako Zamai ostatukoa ere hunkigarria izan da: errefuxiatu batek, gure kantuak entzun, eta aurreskua dantzatu zigun.

P. M.: Hastapenean ulertzen ez bagenuen ere, sentitzen genuen bazela egia zen zerbait. Ez dakigu, ezin dugu erran, baina hor dago. Bihotza bihotzean, etxean gara hemen.

Mikroari dena ematen diozue.

K. V.: Mikro aitzinean biluzten gara.

P. M.: Dena ematea da gu izateko manera bakarra, horretarako da bizia!

Txori kanta zale...

P. M.: Marinusek eman zigun euskal kantu bat kantatzeko ideia. Txoria txori-ren hitzek hunki gaituzte errotik; hala, gureratu dugu, eta badugu asmoa Flandrian ere kantatzeko.

Ingelesez duzue abesten. Zergatik ez nederlanderaz?

P. M.: Ingelesez baitugu sentitzen eta munduko artistatzat baitugu geure burua. Jendeak jende dira, eta kito. Hemen, naturan bizi zarete; hunkitzen nau, negarretan utzi nau; euskaldunek historia tristea duzue, hunkigarria, indioak bezalakoak zarete; guk ez dugu horrelako bizirik.

K. V.: Flandrian izpiritua zerratuagoa da Euskal Herrian baino. Anberesen politika gero eta eskuinekoago bilakatzen ari da. Norberak bere emaztea dauka, eta lanjerosa bihurtzen ari da. Oraindik beharrezkoa ez bada ere, nago ez ote naizen hasiko mintzatzen egin ezin dutenentzat, engaiatuz.

Kantatu, aldarrikatzeko?

P. M.: Ez da beharrezkoa homosexualitateaz mintzatzea. Gu amodioaz ari gara: amodio hutsak forma anitz biltzen badu ere, funtsa infinitua du. Horregatik, batzuetan, handitzeko hobe da bereiztea. Forma eta esentzia bereiztea zaila da.

Akort eta apart.

K. V.: Ez gara sekula bikote izan.

P. M.: Ahizpak bezalakoak gara. Bozak hain ongi doaz elkarrekin... Opari honekin zerbait egin behar zen! Gauza garrantzitsuetan bat egiten dugu. Bat eta batek bat handia ematen dute. Badira 23 urte elkarrekin kantuz ari garela.

Bi disko badituzue plazaratuak.

K. V.: Berria prestatzen ari gara. Horretatik, Tricks on me kantatu dugu; maitatu duguna galtzeak ematen duen minaz. Bihotz-altxagarria da. Eroa ere izan behar da! Gurean, inor galtzean, gordea atxikitzen dugu.

P. M.: Erakusteko, normala dela min ukaitea. Irri egiten badugu, negar ere bai; utz diezaiogun sentimenduari bizitzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordiziako herritar batzuk maskarak jantzita, atzo. ©JAVIER ETXEZARRETA / EFE

Agerraldiak ugaritu egin dira

Irati Urdalleta Lete, Iosu Alberdi Igor Susaeta

Beste bi foku agertu dira Nafarroan: Tuterakoan 23 pertsonak eman dute positibo, eta Iruñekoan, bostek. Ordiziakoan 58 dira kutsatutakoak; Murgarentzat, ez dago konfinamendua ezartzeko beharrik

 ©JON URBE / FOKU

Maskara, paisaiaren parte, era orokortuan ez bada ere

Arantxa Iraola - Amaia Ramirez de Okariz Kortabarria - Edurne Begiristain -Olatz Silva

Birusak hedatzen segitzen duela erakutsi dute azken egunotako datuek; izurriari euste aldera, beraz, maskararen erabileraren aldeko ahotsak ozentzen ari dira. Ez da uniformea erabilera. Errenterian, Hendaian eta Urruñan, Gasteizen eta Barakaldon izan da BERRIA erabilera aztertzeko.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Informazio osagarria