Albistea entzun

ATZEKOZ AURRERA. Michelle Rodriguez eta Leire Zabaleta. Artistak

«Elkarte kultural eta artistiko bat sortu nahi dugu»

Mermaid Zine proiektua sortzen ari dira Rodriguez eta Zabaleta: artea zabaltzeko baliatuko dute egitasmoa, eta jarri dute lehen erakusketa.
RAUL BOGAJO / FOKU Tamaina handiagoan ikusi

Jone Arruabarrena -

2021eko maiatzak 6 - Gasteiz

Sinergiei egiten omen die erreferentzia Gasteizko gazteen informazio bulegoan ageri den Sinner-G erakusketak. Bertan, material ezberdinez osatutako collageak gainetik marraztutako argazkiekin nahasten dira. Michelle Rodriguez (Bogota, 1989) eta Leire Zabaleta (Gasteiz, 1999) dira erakusketaren atzean dauden artistak. Rodriguezek moda diseinua ikasi du, eta Zabaleta argazkilaria da. Hala ere, orain Mermaid Zine proiektuaren sorkuntzan ari dira buru-belarri: «Elkarte kultural eta artistiko moduan egonkortu nahi dugu».

Nola hasi zineten proiektuarekin?

MICHELLE RODRIGUEZ: Ni berez Gasteizkoa naiz, baina Madrilera joan nintzen moda diseinua ikastera. Han ezagutu nituen beste diziplina batzuk: adibidez, collagea eta margolaritza. Madrilen ere kolektibo bat sortzen hasi ginen, eta ez zuen funtzionatu. Beraz, Gasteizera bueltatu, eta hemen saiatzea erabaki nuen. Leire lehendik ezagutzen nuen, eta beste artista batzuekin batera hasi genuen proiektua. Ez zen ondo atera, eta azkenean bion artean ekinbide berri bat sortzea erabaki dugu: Mermaid Zine.

Zertan datza, zehazki?

LEIRE ZABALETA: Arterako eta kulturarako elkarte bat sortzea da gure asmoa. Artea eta sorkuntzarako bitartekoak partekatu nahi ditugu interesa daukan ororekin, hainbat modutan: sare sozialen bidez, tailerrak antolatuta, erakusketak...

Sinner-G da egin duzuen lehen erakusketa. Nola sortu zitzaizuen aukera?

L.Z.: Gazteen informazio bulegora etorri ginen elkartea sortzeko informazio bila, eta bertan sortu berri duten erakusketa gelan gure obrak aurkeztea eskaini ziguten.

Erakusketarako propio sortu zenituzten obrak?

M.R.: Sei obra erakusketarako sortu genituen, baina gainerakoak lehendik eginda geneuzkan piezak dira. Batzuk Leirerenak dira, beste batzuk nireak; 98 izeneko artistarekin batera egindako beste bat ere badago.

Zer transmititu nahi duzue zuen obrekin?

M.R.: Bakoitzak gauza bat adierazi nahi dugu, unean uneko gure egoeraren arabera. Ni beti saiatzen naiz kritika soziala egiten, eta nire lanetarako birziklatutako materiala erabiltzen.

L.Z.: Nik obra gehienak nire amonak emandako aldizkari zaharrekin egin ditut. Gaur egun irudien bidez komunikatzen da gehienbat, eta irudi horiek aztertzen saiatzen naiz, gero atsegin ditudanak berreskuratu eta haien berezko testuingurutik ateratzeko. Ondoren, nik nahi dudan esanahia ematen diet irudi horiei.

Nolakoa da darabilzuen sorkuntza prozesua?

L.Z.: Collageekin hasi aurretik, ez dut ideia oso landu bat izaten, normalean. Besterik gabe, momentuan zerbait egiten hasten naiz, eta, lana osatuz noan heinean, esanahi bat ematen hasten naiz sortzen nabilen horri. Esate baterako, apurtuta zeuden telefono asko neuzkan etxean, eta erakusketa prestatzen ari ginela aurkitu nituen. Eta pentsatu nuen dibertigarria izango litzatekeela sakelako horiek collage batean itsastea. Horrela sortu nuen orain erakusketan dagoen lana.

M.R.: Bai, uste dut garrantzitsua dela artista moduan adierazi nahi duzun hori, baina are garrantzitsuagoa da ikusleari sentiarazten diozuna, eta bakoitzak zer eratara interpretatzen duen. Uste dut hori dela artearen gauzarik politena.

L.Z.: Hori da. Nik ez diet obrei esanahi jakin bat ematen, interesgarriagoa iruditzen zaidalako bakoitzak bere erara interpretatzea.

Zertan aurkitzen duzue inspirazioa?

M.R.: Ni edozerk inspiratzen nau. Gau batzuetan, batera lan egiteko geratzen gara, eta, agian, gauzak mozten ari garela ideia bat etortzen zait. Birziklatzeari garrantzi handia ematen diot, eta batzuetan zabor ontzietan edo kalean aurkitzen ditudan gauzetatik ateratzen ditut ideiak. Gero, mihise batean itsatsi, eta atzealde bat ematen diet, eta horrela joaten naiz lanak osatzen.

L.Z.: Nik ere aurkitzen ditudan gauzekin lan egiten dut: iraungita dauden pilulak, moztutako hitzekin betetako plastikoak...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©AXEROMUSIC

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.
 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...