Osasuna 1-1 Huesca

Puntuak ez du inor asebete

Osasunak lehen zati oso kaskarra jokatu du, baina bigarrenean puntu bat salbatzea lortu du. David Garciak egin du buruz nafarren gola
Roberto Torres erdiraketa bat egiten atzoko partidan.
Roberto Torres erdiraketa bat egiten atzoko partidan. IDOIA ZABALETA / FOKU Tamaina handiagoan ikusi

Ainara Arratibel Gascon -

2020ko azaroak 21

Osasuna. Herrera; Roncaglia (Nacho Vidal 78') Unai Garcia, David Garcia, Juan Cruz (Moncayola 46'); Iñigo Perez, Oier; Roberto Torres (Enric Gallego 46'), Jony (Barja, 84. min.); Budimir (Adrian 78') eta Ruben Garcia.
Huesca. Andres; Pedro Lopez, Insua, Siovas Galan; Mosquera, Rico, Ferreiro (Sergio Gomez 76'), Borja Garcia; Rafa Mir (Nawakali 76') eta Sandro (Okazaki 76').
Golak. 0-1: Sandrok (6. min.). 1-1: David Garciak (67. min). Epailea. Pizarro Gomez. Txartel horiak Osasunako Budimirri eta Iñigo Perezi eta Huescako Insuari eta Nawakaliri. Bestelakoak. Ikuslerik ez Sadarren.

Futbola ez da beti justua izaten. Atzokoan, ordea, bai. Osasunak eta Huescak bana berdindu zuten Sadarren, eta zati bakoitza talde batentzat izan zela kontuan hartuta, puntu bat poltsikoratu zuten. Justua bai, baina ez bata ez bestea ez zituen asebete. Izan ere, azken bi porrotak eta gero, Osasunak garaipena behar zuen; Huescak, berriz, partidarik irabazi gabe segitzen du.

Osasunari min egin zion, partidari neurria hartu gabe zirela oraindik, Sandrok seigarren minutuan egin zion gola. Atzelaria eta atezaina ez ziren fin aritu. Zertxobait lotuta ikusi zitzaion, paseetan ezin asmatuz, eta atzean Huescari ia bigarren gola egitea ahalbidetu zioten beste akats pare bat eginez.

Aspaldiko lehen zati kaskarrenetakoa jokatu zuen Osasunak etxean. Onena, emaitza izan zen. Partida irekita zegoen, eta beste 45 minutu zituen partidari buelta emateko.

Arrasatek zerbait egin beharra zuen nuerketaren norabidea aldatzeko, eta Moncayola eta Enric Gallego zelairatu zituen Juan Cruz eta Roberto Torresen ordez. Bigarren zatiaren hasierak ez zuen zerikusirik izan lehenengoarekin. David Garciak buruz izandako aukerak hauspotuta, bizi aritu ziren nafarrak, eta ohiakoa duten presioa eginez.

Hainbat aukera garbi izan zituzten etxekoek berdinketa egiteko. Jony izan zen gehien ahalegindu zena, baita Moncayola ere. Baina ez zuen asmatu, eta minutuak aurrera joan ahala bigarren zati hasierako bizitasun hori galtzen joan zen.

Orduan iritsi zen, ordea, Osasunaren gola. David Garciak egin zuen buruz 67, minutuan korner batean. Hala, aurreko aukeraren arantza kendu ahal izan zuen. Garaipenik lortu gabe iritsi zen atzoko partidara Huesca. Hori beti da zama bat gauzak okertzen direnean, eta hori aprobetxatu beharra zuen Jaboga Arrasateren taldeak.

Gola sartuta beste patxada batekin jokatu zuen Osasunak, baina ez zuen bigarrena egitea lortu. Are gehiago, azken bost minutuetan Huescak estut egin zuen, eta hobeto amaitu zuen lehia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Lau eta erdikoan ariko diren pilotariak, Jokin Altuna izan ezik. Amezketakoa ez zen izan atzo Miribillako frontoian egindako aurkezpenean. ©ARITZ LOIOLA / FOKU

Egoerara egokitutakoa

Julen Etxeberria

Larunbatean hasiko da lau eta erdikoa, eta banakakoaren lehiaketa sistema izango du: lau asteburutan jokatuko da, kale edo bale egiteko partidetan. Finala, 27an
Joselu eta Lucas Vazquez elkar besarkatzen, Joseluk Real Madrili sartutako golaren ostean. ©CHEMA MOYA / EFE

Piztiak aske dabiltza berriro

Eñaut Agirrebengoa

Bolada onean dabil Alaves, Lucas Perezen eta Joseluren susperraldiak hauspotuta. Kamuts hasi zuten liga, baina lau gol egin dituzte azken hiru lehietan. Iragan sasoiko 22 goleko langa dute jomugan.
 ©AITOR BOUZO / SASKI BASKONIA

«Nire ibilbideko denboraldirik onena egiten ari naiz»

Aitor Manterola

Hegal-pibota. Hori azaltzen da italiarraren definizioan. Jar zezakeen hau ere: ondo moldatzen da ia denean, eta Ivanovicen gustukoa da. Ondo jokatzen dabil, «garrantzitsu» sentiarazten baitute.
 ©JAZKI FONTANEDA / FOKU

«Beltzok oraindik borrokan segitu behar dugu gure eskubideak izateko»

Aitor Manterola

Badaki zertaz ari den: «AEBetako Hegoaldeko estatu batekoa naiz, eta arrazakeria handia da». Hamar urte dira Europan jokatzen hasi zela; gehienak Euskal Herrian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna