Albistea entzun

PROPOSAMENAK

Festa eguna Artikutzan

Bihar, San Agustin egunean, kutsu tradizionaleko festa antolatu dute Artikutzan. Egun osoko ospakizuna izango da: meza, pilota partidak, trikitia, herri kirolak eta erromeria
2017an, Artikutzan, San Agustin eguna edo Artikutza eguna ospatzen.
2017an, Artikutzan, San Agustin eguna edo Artikutza eguna ospatzen. ANDONI CANELLADA / FOKU Tamaina handiagoan ikusi

Joseba Arratibel Ladron -

2022ko abuztuak 27

Bi urteko etenaren ondoren, bihar ospatuko dute San Agustin eguna edo Artikutza eguna, Artikutzan (Goizueta, Nafarroa). Urtero lez, kutsu tradizionaleko festa antolatu dute. Artikutza Donostiaren menpekoa da 1919. urtetik. Artikutzako arduradun Iñaki Urangak adierazi du inguruko basoetatik ezberdina dela, «ezohiko basoa eta errekak» dituelako.

Bihar, 08:00etan zabalduko dituzte ateak. Egitaraua, ordea, 11:00etan hasiko dute mezarekin; ondoren, 11:30ean, emakume zein gizonezko binakako pilota partidak jokatuko dituzte; arratsaldean, 15:30etik 17:00etara bitarte, trikitia izango da; 17:00etatik 19:00etara, herri kirolak: aizkolari, iparraldeko joko eta harri jasotzaileekin; eta, eguna amaitzeko, 19:30ean, Muxutruk erromeria. Egun osoan bi txosna jarriko dituzte. Bestalde, azoka ere jarriko dute hainbat euskal jaki eta produkturekin, hala nola pastelak, gaztak, taloak, artisautza produktuak eta halakoak.

Urangak aipatu du azken bi urteak kontuan izan gabe, urtero kutsu tradizionaleko festa antolatu nahi izaten dutela, paisaia ere aproposa baita horretarako. «Jende ugari biltzen dugu, batez ere inguruko herrietatik: Goizueta, Lesaka, Arantza, Oiartzun, Errenteria eta Donostia. Egun ederra izaten da, eta oso giro polita sortzen da».

Oro har, baimena behar izaten da Artikutzara autoz heltzeko, kopurua mugatua izaten delako, eguneko 25 auto bakarrik igaro daitezke. Baimena lortzeko webgunean [www.donostia.eus] tramite bat egin behar dela azaldu du, baina bihar ez da baimenik beharko. «San Agustin egunean ez dago autoentzako mugarik; denontzako dago lekua».

Basoaren berezitasuna

Urte osoan ez da beste ospakizunik antolatzen. Artikutza leku babestu bat da, eta Urangak esan du lehentasuna Artikutzako natur ondarea babestea dela.

Hortaz, Artikutza eguna edo San Agustin eguna salbuespen bat da, jende asko biltzen delako. «Betidanik egin den festa bat denez, mantendu egin dugu. Hori bai, egun osoan egingo diren jarduera guztiak natura zainduz egin behar dira».

Jarduera horiek natura kontuan izanda egiten direnez eta festa egun hau urteko jarduera bakarra denez, Artikutza inguruko basoak baino gutxiago ustiatzen dela esan du: «Horrek ematen dio berezitasuna eta esklusibotasuna basoari eta inguruko errekei».

Aurten 103 urte beteko dira Donostiak Artikutza erosi zuenetik. «103 urte hauetan basoak bere garapen naturala izan du, eta dena ondo kontserbatzen da ordutik. Garbi eta natural».

Artikutzako basoa Euskal Herriko basorik euritsuena da, eta tenperatura aldaketek bete-betean ere eragin dute. «Aurtengo uda ezberdina izaten ari da, eta espero dugu salbuespen bat izatea. Uztailean, historiako hilabeterik lehorrena izan dugu, 11 litro bakarrik bota ditu. Oso larrituta gaude; errekak ia urik gabe egon dira, eta zuhaitz askok udazken kolorea izan dute».

San Agustin eguna

Bihar, Artikutzan (Goizueta, Nafarroa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Bortxaketa salatzeko erabili dut musika»

Ane Insausti Barandiaran

'Medusa' izeneko EPa sortu du AyVeek, jasan zuen bortxaketa eta ondoren bizi izandakoak kontatzeko. Haren hitza zalantzan jarri zutela salatu du, eta ingurukoen babesari esker egin duela aurrera.
ETB1eko <em>Go!azen</em> telesaileko aktore gazteak. ©ETB

Hiru haurretik batek ikusi du aurten 'Go!azen' ostiraletan ETBn

Urtzi Urkizu

ETB1eko telesailaren denboraldia gaur amaituko da. Kontzertuek maiatzera arte jarraituko dute

 ©AITOR KARASATORRE / FOKU

«'Bollera' izaera bat da, bizitzeko modu bat»

Iker Tubia

Haur literaturaren alde egin du Jakak, adin horretan «dena jaten» dutelako «gose handiz». Letretan dagoen sexu disidentziaz mintzatu da, eta euskarak LGTBI mugimenduan behar duen presentziaz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...