Albistea entzun

PROPOSAMENAK

Berrikuntzak euskal jaietan

Donostiako euskal jaien barruan, Elkano Eguna ospatuko dute. Larunbatean, Sagardo Eguna egingo dute Konstituzio plazan, eta, berrikuntza gisa, kopan emango dute sagardoa
Olatz Mitxelena, Nekane Arzallus eta Angel Blanco Donostiako 2022ko euskal jaien aurkezpenean.
Olatz Mitxelena, Nekane Arzallus eta Angel Blanco Donostiako 2022ko euskal jaien aurkezpenean. JOSEBA ARRATIBEL LADRON Tamaina handiagoan ikusi

Joseba Arratibel Ladron -

2022ko abuztuak 31 - Donostia

Donostiako Aste Nagusia bukatu berri da, baina hiria jai giroan dago oraindik. Izan ere, gaur hasiko dira euskal jaiak, eta irailaren 11ra arte luzatuko dira. Euskal jaiak Euskal Herriko ohitura eta errituak nabarmentzen ditu, kutsu tradizionalari jarraituz.

Nekane Arzallus Donostiako jarduneko alkateak azaldu du Kontxako Banderako emakumezkoen eta gizonezkoen sailkapenarekin hasiko direla euskal jaiak, eta estropadak jokatzen diren bi kategorien irabazleei banderak emanez amaitu. «Gure kulturaren eta historiaren inguruko 11 programazio egun izango dira, eta mota guztietako ikusleentzat 61 jarduera egingo dira».

Aurtengoan nobedadeak agerikoak izango direla adierazi du Arzallusek: «Euskal jaietako ekintza klasikoena edo ohikoena Sagardo Eguna da». Larunbatean izango da, Konstituzio plazan, 11:00etatik 13:45era bitarte.

Olatz Mitxelena Gipuzkoako sagardogileen elkarteko koordinatzailea da, eta haientzat ere oso urte berezia izan dela adierazi du. «Zorionez, bi urteren ostean, Donostiako Udalari eta Donostiako Festak-i esker, Trinitate plazan sagarren aurkezpena egin genuen». Egun, elkartean 53 sagardotegi dituzte, baina 38 izango dira Konstituzio plazan Sagardo Egunean.

Larunbatean, lau sagardogile omenduko dituzte elkartekoek. Gainera, sektoreak plan estrategiko bat gauzatutako du: sagardo dastatzea kopan egitea. «Edalontzia guretzat oso elementu kuttuna da, baina kopak beste aukera bat ematen dio sagarrari. Dastatzeko oso erreminta aproposa da».

Aurtengo euskal jaien beste nobedade batzuk hauek izango dira: Elkanoren eguna egingo dute, irailaren 6an, portuan; izan ere, duela 500 urte, irailaren 6an, Elkano eta haren itsasgizonak lehorreratu ziren, lehen mundu bira eman eta gero. Irailaren 7an eta 9an, berriz, poesia orduak egingo dira; nobedade gisa, 1813-2022 Ate Zaharberriak oroimenezko ikuskizunarekin. Irailaren 10ean, aldiz, Gaztelu Eguna izango da. Gastronomian, marmitako lehiaketa eta sardina jatea egingo dira. Kiroletan, badia igerian zeharkatuko dute, eta pilota txapelketak eta estropadak egingo dira. Kultur arloan, euskarari lotutako jarduerak izango dira; esaterako, Donostia Bertsotan, irailaren 10ean, 22:30ean.

Berrikuntzak

Euskal jaiekin batera, jaietako kartela aurkeztu zuten atzo. Anjel Blanco izan da aurtengo euskal jaien kartelaren egilea. 2020. urtean erabili behar zen kartela, baina, egoerak baldintzatuta, bertan behera gelditu ziren azken bi urteetako euskal jaiak.

Blancok adierazi du bere ideia bi inizialak berreraikitzea izan zela: E eta J. «Bi inizialen egiturarekin jolasteko modu bat da, euskal tipografia tradizional bat erabilera estetiko eta ez-testualera eramana». Bi hizkiak elementu geometrikoen bidez osatuta daude, eta elementu horiek kolore berde, gorri eta zuriarekin erlazionatzen ditu, «kolore horiek euskal jaiekin lotura handia duten elementuak direlako».

Donostiako euskal jaiak

Gaurtik hasita, irailaren 11ra arte, Donostian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Bortxaketa salatzeko erabili dut musika»

Ane Insausti Barandiaran

'Medusa' izeneko EPa sortu du AyVeek, jasan zuen bortxaketa eta ondoren bizi izandakoak kontatzeko. Haren hitza zalantzan jarri zutela salatu du, eta ingurukoen babesari esker egin duela aurrera.
ETB1eko <em>Go!azen</em> telesaileko aktore gazteak. ©ETB

Hiru haurretik batek ikusi du aurten 'Go!azen' ostiraletan ETBn

Urtzi Urkizu

ETB1eko telesailaren denboraldia gaur amaituko da. Kontzertuek maiatzera arte jarraituko dute

 ©AITOR KARASATORRE / FOKU

«'Bollera' izaera bat da, bizitzeko modu bat»

Iker Tubia

Haur literaturaren alde egin du Jakak, adin horretan «dena jaten» dutelako «gose handiz». Letretan dagoen sexu disidentziaz mintzatu da, eta euskarak LGTBI mugimenduan behar duen presentziaz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...