Albistea entzun

PROPOSAMENAK

Euskal mitologiaren ibiltokia

Euskal kulturako kondairak gai hartuta, 'vogue' erakustaldi eta txapelketa eginen dute Burlatan. 'Voguing' kultura ikusarazi nahi dute. Atzerriko 'ballroom' eszenako kideak ere ariko dira
Anunnaki etxeko vogue dantzariak Iruñeko Alde Zaharrean, joan den urrian, Labak antolatutako bestan.
Anunnaki etxeko vogue dantzariak Iruñeko Alde Zaharrean, joan den urrian, Labak antolatutako bestan. IÑIGO URIZ / FOKU Tamaina handiagoan ikusi

Iker Tubia -

2022ko abuztuak 18 - Iruñea

Irudikatu ibiltoki luze bat, erritmo biziko musika eta laminak, Basajaun, galtzagorriak edota Mari jantzi ederrak erakusten eta dantza akrobatikoak egiten epaimahai baten aitzinean. Halako esperientzia mistiko bat izanen da bihar Burlatan (Nafarroa), Anunnaki etxeak kiki ball deitutako vogue erakustaldi eta lehiaketa antolatu baitu. Euskal kultura eta mitologiaren gaiaren bueltan antolatu dute The Local Legends kiki ball-a.

Laugarren aldia da Nafarroan kiki ball bat antolatzen dutela. Poliki-poliki ballroom kultura zabaltzen ari da Anunnaki etxea, eta geroz eta jende gehiagorengana ailegatzen. «Ballroom-ari eta vogue-ari Iruñerrian lekua emanez jendea erakartzen ari gara; Bilbo, Gasteiz eta Donostiako jendea ere hasi da etortzen. Ahalik eta urrutien ailegatuko den uhin bat sortu nahi dugu», azaldu du Anouar Merabetek. Hura da Anunnaki etxeko ama, baita ekitaldiaren antolatzailea ere, Asier Rikarte burlatarrarekin batera.

Argi esan du zein den ekitaldiaren zentzua eta oinarria: «Ballroom-a pertsona arrazializatu transek sortu zuten LGTB kolektiboko jendeak tokia izan dezan bere burua askatzeko eta ikusarazteko». Ekitaldian ballroom eszenan ari den jendeak parte hartuko du, bertakoak eta atzerrikoak. Lehiaketa irekia da; beraz, nahi duenak izena eman dezake. Honako hauek izanen dira kategoriak: beginners runway, europar eta amerikar runway, MF realness, FF realness, face OTA, hands performance with a propo, body OTA, bizarre, begginers performance, performance OTA, lip synd eta vogue to everithing.

Haietako batzuetan janzkera arauak izanen dira, eta gehienetan euskal mitologiako pertsonaiak izanen dira parte hartzaileen inspirazio iturri: laminak, Basajaun, Mari, Amalur eta galtzagorriak. Burlatako kultura ere kontuan izan dute: jaietako janzkera eta inauterietako pertsonaiak: zorrotzak eta muxinariak. «Beste kultura batzuetako parte hartzaileei eskatu diegu haien kulturari lotutako zerbait eraman dezaten, interesgarria delakoan», esan du Merabetek.

Adiskideen arteko lehia

Kiki ball bat lehiatzeko gune bat da, baina ez nolanahikoa: «Adiskideen arteko txapelketa da, eta gazteei bideratua batik bat. Beraz, ez da hainbeste exijitzen eta ez da hain gogor epaitzen». Epaimahaia ballroom eszenan aritzen diren kideek osatzen dute, eta kategoria bakoitzean landu beharreko elementuak eta teknikak ongi ezagutu behar dituzte. Burlatako hiru epaileak New Yorketik, Paristik eta Madrildik etorritakoak dira. Lehiaketa honetan ez dago sari ekonomikorik, baina horrelakoetan trofeoek «aitortza» ematen diete etxeei. «Etxerik gabeko kideak begiz jotzeko ere baliatzen dituzte amek».

Ekitaldia Burlatan eginen dute, Anunnaki etxeko zenbait seme-alaba bertakoak baitira. Han «gatazka transfoboak eta homofoboak» izan dituztela salatu du Merabetek: «Garrantzitsua iruditu zitzaidan gure kultura hau toki horretara eramatea, ikusgai izateko». Udaletxearen aurrean izanen da, eta sarrera, doakoa.

'The Local Legends kiki ball'

Bihar, 19:00etan, Burlatako Larrainetako plazan (Nafarroa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jon Goenaga eta Libe Goenaga aita-alabek zaintzen dituzte Getariako (Gipuzkoa) Lahardi baserriko ahuakate ondoak. Euskal Herriko lehenak izan dira. ©Jon Urbe / FOKU

Ahuakate ondoak kateatu dira Euskal Herrian ere

Ainize Madariaga

Ahuakate ondoen ekoizpena zalu hedatzen ari da Euskal Herrian. Getariako Lahardi etxaldean duela hiru hamarkada hasi ziren; berrikiago bertze guziak. Bertako klimari eta lurrari ongi egokitzen zaie zuhaitza, baina arta bereziak behar ditu, sustut neguko malda igaiteko.

 ©JON URBE / FOKU

«Begien osasuna eta pobrezia lotuta daude»

Jakes Goikoetxea

Ikusmen arazoek bizimodua baldintzatzen dute, are gehiago herrialde pobreetan. Arazo handia eta larria da herrialde askotan. Errealitate gordin hori ikusarazten eta laguntza lortzen aritzen da Otaegi.
 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

 ©JAGOBA MANTEROLA / FOKU

«Aro berria hasi dugu, salto digitala emanez»

Olatz Silva Rodrigo

Euskalerria Irratiak denboraldi berriari ekin dio. Iruñerriko euskal komunitateari zerbitzurik onena eskaini nahian, salto digitala eman dute. Besteak beste, kamera adimendunak jarri dituzte estudioan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...