Albistea entzun

PROPOSAMENAK

Eguzki izpiak eskulturen artera

Txillida Lekuko udako egitarauak artea, yoga, zinema, musika eta dantza biltzen ditu. Jaialdi handien egoitza ere izango da, hala nola Jazzaldiarena eta Musika Hamabostaldiarena
Hainbat ekitaldi egingo dituzte udan Txillida Lekun.
Hainbat ekitaldi egingo dituzte udan Txillida Lekun. JON URBE / FOKU Tamaina handiagoan ikusi

Miren Mujika Telleria -

2022ko ekainak 28

Ospakizunerako eta gozamenerako leku bihurtuko da udan Hernaniko Txillida Leku (Gipuzkoa). Egitarau zabala antolatu dute horretarako; adin askotariko jendeari zuzendutakoa. Dantza, zinema, opera, sormen tailerrak eta askotariko jarduerak biltzen ditu museoak diseinatu berri duen udako programazioak. Baita musika ere, «proposamen klasikotik garaikideagoetara doazen doinuekin».

Yoga saioak egingo dituzte museoko zelaian uztailean eta abuztuan, larunbatero. Brunch batekin amaituko dituzte saio horiek, hango Lurra Kafe tabernan. Arteari, naturari eta fikzioari buruzko tailerrak ere emango dituzte, Irudimenezko lorategiak izenpean. Museoak zabaldu duen ohar baten arabera, parte hartzaileek proiektu artistiko bat sortzeko baliabideak eskuratuko dituzte han. «Artearen munduarekin, naturarekin, zientziarekin eta literaturarekin lotutako hainbat elementu aztertzea du helburu egitasmoak».

Gazteek eta haurrek izango dute Irudimenezko lorategiak saioez gozatzeko aukera. Hain zuzen, uztailaren 11tik 15era izango dira 12 eta 15 urte bitartekoentzako saioak, eta uztailaren 18tik 22ra, berriz, 6 eta 11 urte bitartekoentzakoak. «Miroren eta Txillidaren lanak bertatik bertara ezagutzeko aukera izango dute», azaldu dute antolatzaileek ohar baten bidez.

Filmak aire zabalean ikusteko aukera ere eskaintzen du egitarauak, eta ondorengo hiru filmak izango dira ikusgai, hurrenez hurren, abuztuaren 4an, 5ean eta 6an, 21:30ean: Mr. Wain, Delicioso eta Un héroe.

Doos Colectivo konpainiaren Gorp(huts) ikuskizunarekin hasi zuten museoko uda denboraldia ekainaren 17an. Dantza garaikidea, ahotsa eta soinua uztartu zituen lanak.

Jarduera horiez guztiez gain, egitasmo berri bat batu zaio aurtengo programazioari: Singular Fest, «ondare eta arte balioa duten leku berezietan ospatzen den jaialdia». Ekainaren 30ean hasiko da, eta Mondragon Orkestra, Lila Downs, Chucho Valdes eta Paquito D 'Rivera izango dira musika, artea eta kultur ondarea uztartzen dituen jaialdiko protagonistak.

Jaialdi handien txoko

Gainera, jaialdi handiak ere hartuko ditu Txillida Lekuk udan. Donostiako Jazzaldiaren egoitza izango da berriro ere Txillida Leku, eta Vadim Neselovsky piano jolearen errezitalaz eta Musika Hamabostaldiaz gozatzeko aukera izango da bertan. Berrikuntza gisa, Donibane Lohizunen ospatzen den Ravel piano jaialdiarekin kolaborazio berri bat gehitu dute aurtengo programazioan Txillida Lekuk; Bertrand Chamayou piano jolearen emanaldia izango baita irailaren 3an, museoan bertan dagoen Zumalaga Baserrian.

Denboraldiari amaiera emateko, EHUk Txillidaren lanak naturarekin eta etikarekin duen harremanari buruzko udako ikastaroetako batean parte hartuko du museoak irailaren 14an eta 15ean, Donostiako Miramar Jauregian izango da.

Txillida Leku, udako egitaraua

Ekainaren 30etik irailaren 15era bitartean, askotariko jarduerak Txillida Lekun (Hernani, Gipuzkoa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Braulia erraldoia Udaletxe plazan dantzan, 2019ko irudi batean. ©Jagoba Mantero, FOKU

Braulia erraldoiaren dantza, haurren izu

Berria

Herritarrak hunkitu ditu azken egunotan Iruñerrian zabaldutako bideo batek: irudiotan, Iruñeko Braulia erraldoiaren dantza, lau begi gazte balkoian, eta ate danbateko bat, izuaren izuz.

Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...