Albistea entzun

PROPOSAMENAK

Dantzak plazara berriro ere

Erromeria Eguna ospatuko dute uztailaren 16an Errenterian, Ereintza taldeak antolatuta. Uztailaren 17an, 'Errenteria dantzan' eguna egingo dute, Gineako dantza talde batekin batera
Errenteriako Erromeria Egunaren antolatzaileak, egitaraua esku artean dutela.
Errenteriako Erromeria Egunaren antolatzaileak, egitaraua esku artean dutela. GORKA RUBIO/ FOKU Tamaina handiagoan ikusi

Miren Mujika Telleria -

2022ko uztailak 6 - Errenteria

Bi urteren ondoren, bueltan dira fandango eta arin-arinak Errenterian (Gipuzkoa), uztailaren 16an Erromeria Eguna ospatuko baitute, Ereintza dantza taldeak antolatuta. Pandemiak bi urtez ospakizuna galarazi duen arren, 23. aldia du aurtengoa, eta «gogo handiz» itzuliko direla adierazi dute antolatzaileek. Horretarako, egun osoko egitarau bat osatu dute.

Vanesa Castaño Ereintza dantza taldeko kideak eman du egitarau osoaren berri. Ohi bezala, 10:45ean musikariek emango diote hasiera egunari, kalez kale, «jendea esnatu dadin eta anima dadin ondo pasatzera». Bitarte horretan, gainera, Errenteriako IX. Bola Joko Sari Handia antolatu dute Niessen elkarteko kideek.

Horrez gain, hamaiketakoa egingo dute 11:30ean. Eta, bazkaltzeko garaira arte, kalez kale dantzatzeko aukera izango da Aiko taldearekin batera. Castañosen hitzetan, dantza plazetara eraman nahi izan du beti Aikok, eta, horregatik, «aukera paregabea da hau jendea dantzara animatzeko».

Segidan izango da herri bazkaria: Zumardian, 14:30ean. Ereintzako kide Maialen Iribarrenek nabarmendu duenez, 350 bat lagunentzako bazkaria izango dela aurreikusten dute. Jada salgai daude, gainera, bertaratzeko txartelak: Arkaitza tabernan eta Paki dietetika zentroan. Gaztetxoek 8 euroan erosi ahal izango dituzte, eta helduek, berriz, 15 euroan.

Zumardian bertan izango da eguneko ekintza nagusia: erromeria. Lehenik, txalapartariek eta musikariek alaituko dute bazkalondoko giroa, eta Patxi eta Konpainiarekin amaituko da eguna.

Errenterian baserritarrez janzteko eguna izango da hilaren 16a, eta Castañosek zera azpimarratu nahi izan du: «Edozein da gai egingo ditugun dantzak dantzatzeko. Jendea elkartzea da helburua, eta, batez ere, ondo pasatzea». Hori dela eta, egun on batez gozatu nahi duen oro gonbidatu du Ereintza dantza taldeak eurek antolatutako egitarauan parte hartzera. «Beste urte batzuetan jende asko etorri da, eta espero dugu aurten ere hala izatea».

Dantzarako asteburua

Erromeria egunarekin gutxi ez, eta dantza gehiagorekin borobilduko dute asteburua; urtero bezala, Errenteria dantzan eguna egingo baitute hurrengo egunean, uztailaren 17an. «Nazioarteko eguna izango da», hala abiatu da Ainhoa Uria, Ereintza dantza taldeko kidea. Izan ere, Gineako Grupo Cultural Netos de Bandim taldea gonbidatu dute dantzara. Uriak azaldu du Afrikako ondarea zabaltzen duen talde garrantzitsu bat dela, eta hango haur eta gazteen integrazio soziokulturala sustatzen ahalegintzen dela, hain zuzen.

Arratsaldeko zazpietan hasiko dira bi taldeen dantzak, Zumardian. Errenteriako taldeko hamabost dantzarik parte hartuko dute, eta Gineako taldeko 30 kidek. Zortzi izango dira perkusio jotzaileak eta, horrez gain, bi pertsona arituko dira dantzen zuzendari lanetan.

Errenteriako Erromeria Eguna

Uztailaren 17an, Errenterian (Gipuzkoa), egun osoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...