Albistea entzun

PROPOSAMENAK

Askotariko kulturak dantzan

Portugaleteko Nazioarteko Folklore Jaialdia egingo dute bihartik ostegunera. Bolivia, Ginea Bissau, New Orleans, Sri Lanka eta Georgiako taldeak izango dira Canilla pasealekuan
Portugaleten egiten da Nazioarteko Folklore Jaialdia; irudian, 2017ko ikuskizun bat.
Portugaleten egiten da Nazioarteko Folklore Jaialdia; irudian, 2017ko ikuskizun bat. MONIKA DEL VALLE / FOKU Tamaina handiagoan ikusi

Iraia Vieira Gil -

2022ko uztailak 17 - Bilbo

Pandemiak bi urtez geldiarazi du Portugaleten (Bizkaia) urtero egiten den Nazioarteko Folklore Jaialdia.Geldialdiaren ostean, baina, aurten bueltan da berriro, eta 47. jaialdia izango da aurtengoa. Kartela, hori bai, 2020an bertan behera utzi behar izan zuten berbera da: Bolivia, Ginea Bissau, New Orleans, Sri Lanka eta Georgiako dantzariak izango dira agertoki gainean. Bihar hasiko da jaialdia, eta ostegunean bukatu. Sarrerak doakoak izango dira, baina abonuak daude lekua erreserbatu nahi dutenentzat. Abonu horiek 12 euro balio dute, eta jaialdiko antolatzaileek ipinitako etxola batean erosi ahalko dira; bai Castaños jeneralaren kalean, bai Karlos VII.arenean.

Herenegun aurkeztu zuten jaialdia, Bilbon. Lorea Bilbao Euskara, Kultura eta Kiroleko foru diputatuaren arabera, Nazioarteko Folklore Jaialdia «herri baten adierazteko moduaren isla» da, eta herritarrak gonbidatu zituen «kulturen gerturatze» horretara. Izan ere, Borja Garate jaialdiaren zuzendariak azaldu duenez, Nazioarteko Folklore Jaialdia Europan egiten den jaialdi luzeenetarikoa da.

Aurten, aurreko aldietan bezala, jaialdiak hainbat atal izango ditu. Agertoki nagusia Canilla paseoan jarriko da. Bertan, gauero egingo dira dantza emanaldiak, 21:30ean. Ikuskizunak 40 minutu iraungo du guztira, eta, gauero, bi taldek egingo dute dantzan, astelehenean izan ezik, non jaialdian parte hartuko duten taldeen aurkezpena egingo den. Aurrerago, gainera, hilaren 25ean, Munduko dantzak kalejira egingo dute, hori ere 21:30ean. Dantzari taldeak txandaka aterako dira, eta zazpi minutuko tartea izango dute dantzan egiteko.

Haurrentzat ere ekintzak egongo dira. Tailerrak eta musika jardunaldiak izango dira horiek, eta dantzari profesionalek dantzan irakatsiko diete umeei. «Umeentzako tailerra izanda ere, helduek ere parte hartu dezakete», Garateren hitzetan. «Esperientzia polita da kultura truke hori bizitzea».

Elai Alai

Nazioarteko dantza taldeekin batera, urtero bezala, Elai Alairen ardura izango da Euskal Herriko dantzak agertoki nagusian erakustea. Izan ere, Elai Alai da Portugaleteko Nazioarteko Folklore Jaialdiaren antolatzailea. Aurten, 60 urte bete ditu taldeak. Eusko Jaurlaritzako Kultura sailburuorde Andoni Iturberen hitzetan, «aurtengoak zenbaki borobileko urtea dirudi». Izan ere, Elai Alairen urteurrena izateaz gainera, Portugalete sortu zenetik ere 700 urte bete dira.

Beraz, Iturbek uste du jaialdi berezia izango dela; gainera, Georgiako taldea ekartzea lortu dute. «Oraindik ere gogoratzen dut nola ezagutu genuen taldea. Harritu egin ninduen Georgian Euskal Herriari buruz duten irudia: izaera propioa duen herria, bere tradizioak zaintzen dituena». Tradizioa da, hain zuzen, Nazioarteko Folklore Jaialdiak zaintzen dituen gauzetako bat: «tradizioaren berriztatzea», Bilbaoren arabera.

Nazioarteko Folklore Jaialdia

Portugaleteko Canilla pasealekuan, bihartik ostegunera, 21:30ean. Sarrera librea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.
Haur bat eta haren mentorea, iazko agur festan. ©SOS ARRAZAKERIA

Urretxindorra, bidean lagun

Amaia Jimenez Larrea

Gipuzkoako SOS Arrazakeria elkarteak duela bederatzi urte abiarazi zuen Urretxindorra, gazte migratzaileak eta goi mailako ikasketak egiten ari diren ikasleak elkartzen dituen programa. Zortzi bat bikoterekin hasi ziren proiektu pilotuan, eta ia berrogei dira aurten.

Jorge Ribera Eguzki irratiko esataria, artxiboko irudi batean. ©JAIZKI FONTANEDA / FOKU

Eguzkik dio lege berriak ez diela lizentziarik bermatzen irrati libreei

Urtzi Urkizu

Hala ere, Iruñeko Eguzki irratiak lizentzia eskaera egingo du. Uste du lege berriaz ezin dela fidatu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...