Albistea entzun

PROPOSAMENAK

Tradizioa oinarri duen bidea

Aramaioko haranean ibilbide samurrak egiteko aukera dago. Ibarra auzoan hasi eta karobi zahar batetik zein Ibabeko Andra Mari auzotik igarotzen den bide zirkularra da aukeretako bat
Lagunekin edo familiarekin barbakoa bat egiteko leku aproposa da Ibabeko Andra Mari ermita.
Lagunekin edo familiarekin barbakoa bat egiteko leku aproposa da Ibabeko Andra Mari ermita. ENDIKA PORTILLO / FOKU Tamaina handiagoan ikusi

Unai Etxenausia -

2022ko uztailak 31 - Aramaio

radizioa oinarri duten hainbat ibilbide daude Aramaion (Araba). Horregatik, hain justu, tradizioak edo paraje ikusgarriek erakarrita, jende andana biltzen da urte osoan udalerria bisitatzera. Familian edo lagunartean egun bat pasatzeko ibilbide eta txoko ikusgarriak ditu mendiz inguratutako haranak. Hala, ondarerik erakargarrienen artean, karobi zaharberritu bat eta baseliza bat nabarmendu daitezke. Ibilbide lasai batean egun berean ezagut daitezke biak.

Ibarra auzoan —haraneko populazioaren erdia inguru bizi da bertan— hasten den ibilbide zirkularra da Karobia-Andra Mari ibilbidea. Bisitaria autoan edo auobus bidez irits daiteke Ibarrara. Plazatik gorako bidea hartu, herrigunetik irten, eta ortuen ondotik ibili ondoren, bidegurutze bat ikusiko du, parez pare.

Sigi-saga egiten duen ezkerraldeko bidezidorra hartu beharko du ibiltariak, errekaren ondotik doana. Metro gutxi batzuk egin ondoren, ur jauzi txiki bat aurkituko du; egun eguzkitsu batean bainu bat hartzeko leku aproposa izan daiteke. Aurrerago, karobira iritsi aurretik, sastrakek estalitako zentral elektriko zahar bat dago: misterioa eta, aldi berean, bakea transmititzen dituen eraikina da.

Ondoan dagoen zubi txiki bat gurutzatu, eta karobira iritsiko da segituan. Irudi eta testuekin osatutako informazio panel bat dago karobiaren kanpoaldean. Antzina han lan egiten zutenen ohiturak azaltzen dira. Bisitariak karobiaren goiko aldera igotzeko aukera izango du, gainera; baita barrura sartzeko ere. Halere, apenas sartzen den argirik barrura, eta esperientzia klaustrofobikoa izan daiteke.

Karobia bisitatu ondoren, erreka ondoko bidezidorrera itzuli behar da, eta aldapan gora segi, harrizko bide bateraino iritsi arte. Bidean, Aramaioko bi baserri berezienetakoen azpitik igaroko da: Ibabe eta Maskariano baserriak. Kondairaren arabera, Erdi Aroan Aramaioko jauntxoari aurre egin zion Berta emakumearen jaiotetxea da Ibabe. Maskariano, aldiz, bailarako baserririk zaharrenetakoa da. Bisitariak bi baserriak miresteko aukera du, eta urte guztiotan baserri horietan gertatu den guztia irudikatzekoa.

Konturatzerako, Ibabeko Andra Mariko baselizara iritsiko da. Jolas parkea, iturria, aterpea eta bi parrilla daude bertan. Ohikoa da lagunekin barbakoa bat egitea, eta arratsaldea bertan pasatzea. Horrez gain, haurrek jolasteko leku aproposa ere izan daiteke.

Iluntzean, baselizatik jaitsiko da bisitaria ibilbidearen hasierako bidegurutzeraino. Ibarrarako noranzkoa hartu, eta segituan iritsiko da auzora. Orduan amaituko du ibilbidea.

Punk-rock jaialdia ermitan

Edozein aitzakia izan daiteke ona ibilbidea egiteko. Urtero, maiatzeko azken larunbatean, Eguzkierripa Rock jaialdia antolatzen dute Ibabeko Andra Mari ermitan. Guztira, sei taldek jotzen dute. Rotten Xlll, Lukiek eta Perlata bezalako talde ospetsuek jo izan dute. Ibilaldiaren ondoren, aukera ona izan daiteke eguna kontzertu batzuk ikusten amaitzea.

Karobia-Andra Mari ibilbidea

Urte guztian egin daiteke, Aramaion.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Edonork egin dezake eskrima»

Joseba Arratibel Ladron

Otaegik 34 urte daramatza eskrima praktikatzen, eta 22 urte Fortuna kirol elkartean eskrima irakasten. Bihar eta etzi, gainera, eskrima saioak eskainiko dituzte Donostiako Katalunia plazan.
2 ©JON URBE / ARGAZKI PRESS

Handituz joan den olatua

Amaia Jimenez Larrea

Donostiako Piratek hogei urte bete dituzte aurten. 2002an, hiriko gazte batzuk, «zezenketen, su festen eta izozkien» jaiak alde batera utzita eta beste eredu baten bila, eztabaida sortzen hasi ziren. Abordatzea izan zen eztabaida sortzeko egitasmoa, eta gaur egun festen ekitaldi nagusia da.

Kilometro Lezoko ikusleak, iaz, emanaldi batean. ©LEZOKO UDALA

Nobedadeak Kilometro Lezon

Joseba Arratibel Ladron

Datozen hiru asteburuetan, Kilometro Lezoren hirugarren aldia egingo dute. Dantza emanaldiez, zirkuaz, antzerkiez eta musikaz gozatzeko aukera egongo da

Jendetza bildu ohi da festen hasieran Laudion. ©LAUDIOKO UDALA

Dantzaz beteriko festak

Maixa Utrera Puelles

Martxan dira Laudioko San Roke jaiak, Jabier Artetak txupinazoa bota eta agurra irakurri ostean. Bi txandatan egingo dituzte jaiak: lehen txanda, bihar arte; ondoren, hilaren 24tik 28ra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...