Noiz sortua: 2018-07-28 00:30:00

Dena prest Donostian

Donostiako Udalak Aste Nagusiko egitarau ofiziala aurkeztu du. Beste bi auzotara zabaldu dute jaia: Intxaurrondora eta Altzara
Zea Mays taldeak abuztuaren 12an emango du kontzertua, 23:45ean, Saguesen.
Zea Mays taldeak abuztuaren 12an emango du kontzertua, 23:45ean, Saguesen. IDOIA ZABALETA / FOKU

Mikel Elkoroberezibar Beloki -

2018ko uztailak 28

Abuztuaren 11n hasiko da Donostiako Aste Nagusia, kanoikadarekin. Sonakay musika taldeak abestuko du Artillero, Asoleus eta Helduak elkarteetako ordezkariekin batera. Alfonso Gurpegi Donostiako Udaleko festa jardueretako zinegotziak esan duenez, «aurtengo Aste Nagusiak musika, arte eszenikoak, dantza, zinema, su festa, tailerrak eta kirola bilduko ditu». Jai horietan festak «auzo guztietan» lekua izatea nahi dutenez, 30 gunetan banatuko dira aste osoan eskainiko diren 482 ekitaldiak. Bi gune berri izango dira: Altza eta Intxaurrondo auzoak. Gainera, «pertsona guztientzako lekua» izatea nahi dute; adina, adibidez, oztopo bat izan gabe.

Udalaren egitarau zabal eta aberats horren barnean, aipatzekoa da Jaime Caballero igerilariak 25 orduz jarraian igeri egingo duela alboko esklerosi amiotrofikoa pairatzen dutenen alde. Saguesko kontzertuak jada aurkeztuak zituzten: Amaia Montero, Zea Mays, Dvicio, Iseo & Dodosound with the Mousehunters, Alvaro Soler, Vendetta, Marky Ramone eta Jarabe de Palo. Su festak ere izango dira, eta, Aste Nagusiaren azken egunean ohikoa den bezala, abuztuaren 18an Nordic Beats ikuskizun piromusikala eskainiko dute lehiaz kanpo.

«Jai hauek errespetuz eta poztasunez ospatzeko aukera denok izan behar dugu», esan du Eneko Goia Donostiako alkateak. Horregatik, argi utzi nahi izan du Aste Nagusian, eta urte osoan, eraso sexistak «sobera» daudela. Alkateak herritarrei deia egin die: «Donostiar guztiok batera aurre egin behar diogu indarkeria matxistari».

Piratek, musika lotuta

Donostiako Piratek oraindik ez dute eman egitarau osoaren berri, baina iragarri dituzte dagoeneko Flamenkan izango diren kontzertuak: Skakeitan, Krii Kolektiboa, Green Valley, Olatz Salvador eta Serrulla taldeak entzun ahalko dira, besteak beste.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Baionako ospitalean ez da gelditzen koronabirusak kutsatutako gaixorik

Berria

«Berri ona da, eta erakusten du konfinamendutik ateratzeak ez duela birusaren hedapenean eragin», adierazi du Eric Spitz Pirinio Atlantikoetako prefetak. Gaur arratsaldeko bostetan, Edouard Philippe mintzatuko da konfinamendutik ateratzeko neurri berriak iragartzeko.

Tuvisaren autobus bat, Gasteizko kale batean ©Jaizki Fontaneda (Foku)

Epaile batek dio Gasteizko autobusetako lan erregulazioa legez kanpokoa dela

Jokin Sagarzazu

ELAk udalaren kudeaketa salatu du, eta dimisioak eskatu ditu.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna