Noiz sortua: 2018-11-07 00:30:00

Bizkaiko foru eraikinen garbitzaileek mobilizatzen jarraituko dute

Soldata 2022rako %7,2 handitzea eskaini diete, baina %6,54ko igoera «orain» egitea nahi dute

Lander Muñagorri Garmendia -

2018ko azaroak 7

Lanbasa esku batean eta bestean pankarta zutela. Horrela egin zuten protesta atzo Bizkaiko Foru Aldundiko eraikinetako garbitzaileek. Hamaikagarren aldiz. Ia urtebete daramate gatazkan garbitzaileek, eta Itsasne Nuñez LABeko kideak uste du aste honetan urrats bat gehiago egin dela negoziazio mahaia blokeatzeko bidean. Izan ere, aldundiko garbitzaileak azpikontratatuta daude, eta udaletako langileen baldintzak arautzen dituen Udalhitz akordioan bilduta dagoen soldata baino %6,54 gutxiago jasotzen dutela salatzen ari dira hilabeteetan. Beraz, soldata aipatu kopuru horretan «ahalik eta azkarren» handitu dadila aldarrikatzen ari dira garbitzaileak. Baina enpresak herenegun proposamen berri bat jarri zien mahai gainean: %7,2 handituko diela soldata, baina 2022. urterako. «Guk hurrengo urterako eskatzen dugu %6,54ko soldata igoera hori, baina euren proposamenarekin 2019an %2,4 haziko litzateke soldata». Enpresa tranpa egiten ari dela salatu zuen.

Horregatik, «hasierako helburutik gertuago dauden arren», negoziazio mahaia blokeatzeko bidean ere egon daitekeela azaldu zuen Nuñezek. Izan ere, eurek eskatzen duten soldata igoera hobetuz baina proposamena epe luzeago batera eramanda, «joko zikina egiten ari dira». Azken batean langileen artean «bereizketa» lortu nahi dutela zioen. Baina horrelakorik ez dagoela aurreratu zuen, eta, LAB, UGT, CCOO eta ESK sindikatuek babestuta, borrokan jarraitzen dute. Hilaren 19an daukate enpresarekin hurrengo bilera, eta datorren astean langileekin batzarrak egingo dituzte egoera berria aztertzeko. Urtea amaitu baino lehen akordioa lortu ahal izateko, ez dute baztertzen lanuzteak ere egitea.

Greba eskubidea, «urratua»

Joan den ostiraletik greba mugagabean daude, ordea, NH eta Barcelo Nervion hoteletako gela garbitzaileak. Bada, ELA sindikatuak atzo ohar bidez salatu zuenez, «greba eskubidea urratu» egin zen hotel horietan gelak garbitzeko beste enpresa bat kontratatu izanagatik. MTVren EMA sarien galaren harira Ertzaintzak izandako jarrera ere salatu zuen sindikatuak, «greba ordena publikoko arazo gisa» hartzeko agindua baitzuten. Horregatik, Segurtasun Sailari eskaera egin zioten «grebalarien eskubideen alde» lan egin dezaten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna