Albistea entzun

Bi Pulitzer saridun preso daudela salatu du Reutersek

Berria -

2019ko apirilak 19

Wa Lone eta Kyaw Soe Oo Reuters agentziako Myanmarko kazetariek Pulitzer saria irabazi dute asteon. Agentziako editore buru Stephen J. Adlerrek salatu du kartzelan daudela bi kazetari horiek, zazpi urteko zigorra betetzen. Garai kolonialean Myanmarren onartutako sekretu ofizialen legea urratzea leporatzen diete bi kazetariei. Izan ere, Lonek eta Soe Ook hobi bat aurkitu zuten hamar hilotzekin Inn Dinn herrian; armadak 2017ko udan eraildako rohingyen —talde etniko musulmana— gorpuak ziren. Bi kazetariak 2017ko abenduan atxilotu zituzten Rangunen, rohingyen hilketari buruzko erreportajea amaitu aurretik. Haien lankide Simon Lewisek eta Antoni Slodkowskik bukatu zuten lana, eta horiei ere Pulitzer saria eman diete. Nazio Batuen arabera, rohingyen aurkako genozidioak 10.000 hildako baino gehiago eragin zituen. Lone eta Soe Oo kazetariei Unesco/Guillermo Cano prentsa askatasunaren saria ere emango diete, maiatzaren 2an. Wojciech Tochman epaimahaiko presidenteak esan du bi kazetariek Myanmarren berpiztea irudikatzen dutela, «hamarkadetan bakartuta egon ostean».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Iñaki Etxeleku, Ipar Euskal Herriko Hitza

“Besta ez-komertziala izanen da; egiazko hartu-eman bat”

Iñaki Etxeleku, Ipar Euskal Herriko Hitza

Urriaren 31n Arimen Gaua lehen aldikoz ospatuko dute Itsasun, ikastolako eta beste bi eskola elebidunetako haurrekin. Trukea, harremana eta euskal kultura landu dituzte haurrekin.

Jendea Arbonako lur okupatuetan, gaur goizean, Lurrama jaialdiaren hasieran. ©Lurrama Elkartea

Lurrama jaialdia ospatu dute Arbonan

Berria

Kontzertuak, hitzaldi bat eta beste egin dituzte, eguraldia lagun. Arbonan kokatu dute aurten, okupazioari sostengua emateko.

Hainbat lagun hegazti migratzaileei behatzen, atzo, Lizarietako lepoan, Saran. ©GUILLAUME FAUVEAU

Txorien bidaia, largabistekin

Oihana Teyseyre Koskarat

Agorrilaren erditsutik hasiak dira hegaztien migrazio mugimenduak. Horiek zaintzeko lanetan ari da CPAL elkartea, Saran, Lizarietako lepotik begira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.