Albistea entzun

Proposamenak

Hamarkada bati agur

Azken aldia du Donibane Lohizuneko Baleapop musika garaikidearen jaialdiak. Antolatzaileen arabera, «luxuzkoa» izango da

Ane Insausti -

2019ko abuztuak 14 - Donibane Lohizune

Eder den guzia, zoragarri den guzia, noizbait bukatzen baita; Donibane Lohizunen izanik ere». Hala diote Moi Moi kolektiboko antolatzaileek Baleapop jaialdiaren azken aldiaren inguruan. Gaurtik igandera bitartean ospatuko dute musika eta arte garaikidearen festa hori, hamargarrenez eta azken aldiz, Donibane Lohizunen (Lapurdi).

Urtarrilean iragarri zuten azkena izango zela. Dukontenea parkean ospatuko dute, eta zabalik egongo da 16:00etatik 03:00etara. Abuztuko azken astean egin ohi zuten jaialdia, baina aurten aurreratzea erabaki dute, G7koen goi bilerarekin bat egin ez dezan.

Musikari lotuta, badira lehen aldiz izango direnak, eta baita errepikatuko dutenak ere. Esate baterako, Connan Mockasin — jaialdiko 3. aldiko izarra—, Etienne Jaumet eta Forever Pavoten saioez gozatu ahal izango da. Mockasin apustu garrantzitsua izan zen edizio hartan, eta, hain gustura egon zen, astebetez geratu baitzen Euskal Herrian.

Arte garaikideari dagokionez, besteak beste, Jimmy Richer eta Octave Courtin artista plastikoak izango dira jaialdian, eta Mathieu Calmeletek dantza garaikideko ikuskizun bat egingo du gerturatutako jendearentzat.

Sarrerak www.baleapop.com webgunean daude eskuragarri. Ostiral eta larunbaterako txartelak ordaindu behar dira, eta bi egunetarako edo egun bakarrerako sarrerak eros daitezke. Igandeko bazkarirako ere salgai daude tiketak.

Aldi berezi honetarako gonbita egin dute antolatzaileek: «Luxuzko aldia izanen da, sekula baino ederragoa... Inoiz baino plazer handiagoa eginen liguke zu han ikusteak».

Baleapop Jaialdia

Gaurtik igandera bitartean, Donibane Lohizunen (Lapurdi).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

1 ©ENEKO SALABERRIA / EZEZAGUNA

Ezkilen hotsak badu ahotsa

Ainize Madariaga

Unescok ondare immaterialeko kultur ondasun gisa onartu du Espainiako Estatuko ezkilen eskuzko jotzea. Iruñeko katedraleko, Iurretako, Aretxabaletako eta Oiartzungo kanpai joleek eman dute beren lekukotasuna. Ipar Euskal Herrian ez da haboro ezkila jolerik atzematen.
 ©NATXO MATXIN EDESA / FOKU

«Gizakia anekdota bat da eboluzioan»

Naroa Torralba Rodriguez

Darwin txarto interpretatua izan da: eboluzioa ezin da ulertu espezie orok Lur planetan duen elkarrekiko dependentziarik gabe. Lotura hori erakusten du Ptqk-k zuzendutako Zientzia frikzioa erakusketak.

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.