Gaurtik irailaren 30era bitartean egongo da ikusgai. Erakustaldian, ikerlari zein argazkilari afizionatuek atetarako nano, mikro eta makro begiradak jasotako argazkiak ikus daitezke; guztira 49 irudiz osaturiko bilduma da. Antolatzaileen esanetan, «gizarteari zientziaren eta teknologiaren mundu liluragarria ezagutzeko eta jakin-mina pizteko aukera» da. CFM Materialen Fisika Zentroak eta EHU Euskal Herriko Unibertsitatearen eta CSIC Ikerketa Zientifikoen Goi Kontseiluaren arteko zentro mistoak antolatu dute jarduna, Cristin Enea fundazioaren laguntzarekin.
Haurrentzako txokoa
Erakustaldiaz gain, familiei eta haurrei zuzenduriko Eskalatu zure mundua tailerra egingo da. Irailaren 14an izango da, larunbatean. Materialen Fisika Zentroak gidatuko du, eta 4 eta 10 urte bitarteko haurrei zuzenduta dago. Tailerraren bitartez, haurrek ere eskala makro, mikro eta nanoskopikoak ezagutzeko aukera izango dute. Hala, esploratzaile lanetan arituko dira, lupen bidez eta etxean eginiko mikroskopioen bidez hainbat lagin jaso eta aztertzeko.
Erakustaldia, bestalde, goizez zein arratsaldez ikusi ahal izango da. Astelehenetik larunbatera bitartean 09:30etik 13:30era egongo da zabalik, eta arratsaldeetan, berriz, 15:00etatik 20:00etara. Igandeetan eta jai egunetan goizez soilik egongo da ikusgai, 10:00etatik 13:30era bitartean.
Zientzia argazki erakusketa
Gaurtik irailaren 30 bitartean, Donostian, Kristinaenea parkean.
