PROPOSAMENAK

Bortuaren deia

Bortuaren Eguna ospatuko dute gaur Irupilen, egun guzian. Aezkoako eta Garaziko artzainek eskuz esku antolatu dute

Ainize Madariaga -

2019ko uztailak 21

Ezterenzubira (Nafarroa Beherea) joan, eta handik dena seinalatua dago; «Irupile aise atzemanen du jendeak», erran du Bernadette Irigoienek, Garaziko ikastolako antolatzaileak.

Egunak jende eta kabala nahasle izan nahi du. Izan ere, bortuko artzainen lana erakustea du xedeetako bat: «Artzaina bere etxean, bortuan, nola ari den lanean erakutsi nahi dugu, artzaingoa azkar baita. Eta, Euskal Herri osoan bezala, mendiak anitz etxalde biziarazten ditu», xehatu du Irigoienek. Izan ardi, zaldi edo behiak gora igorriz. Baina ez hori bakarrik: izan ere, Buru Beltza elkarteak eta Garaziko eta Azkarateko ikastolek antolatu egunak artzainen arteko topagune ere izan nahi du. Hala, 09:30etarako, ardi gasna eta ardi buru beltza-lehiaketek artzaina protagonizatuko dute. Lehentze da piriniotar behiek parte hartuko dutela.

Artzain onak, ardi onak

Bestetik, Garaziko eta Aezkoako mendi sindikatuen arteko urteroko hitzarmena izenpetzeaz gain, bien arteko harremanak «handitu» nahi dituzte. Horren lekuko, lehen aldiko Irupilen dutela gertakaria kokatu. Alabaina, artzain gehienak inguruetan finkatuak dira. «Irupile zinez bortua da; ez da deus ere ondoan», gehitu du.

08:30ean abiatuko da eguna, bertan gosaltzeko paradarekin, eta Ezterenzubiko Source de la Nive ostatutik ibilaldia abiatuz. «7 urtetik gorako edonorentzat da; hiru ordu eta erdiko itzulia, Harpean jalgiko dena. Mendia ezagutzeko parada ona da». 10:00etatik hara, merkatuak besarkatuko du hurbiltzen den oro, kalitatezko mozkinei esker. Eguerdiko aperitifatik landa, Pirinioetako migak bazkaltzeko aukera izanen du erreserbatu duenak, «tokirik ez baita gehiago gelditzen». Kasurako, taloak ere jangai izanen dira.

Bortuaren eguna

Gaur, 08:30etik goiti, Ezterenzubi Irupilen (Nafarroa Beherea).

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Eskoletako Urmaelen Sareko kideak, Ataungo Joxemiel Barandiaran herri eskolako urmaelean, atzo. ©JON URBE / FOKU

Mundu bat putzu eginda

Enekoitz Telleria Sarriegi

Eskoletako Urmaelen Sareak lehen topaketa egin du Ataunen. Urmael bat sortzeak eta kudeatzeak dituen onurez eta proiektuak saretzeko beharraz aritu dira. «Laborategi natural batzuk dira».
1 ©- / EZEZAGUNA

Baratzeak loratzen duen guztia

Enekoitz Telleria Sarriegi

Hiri baratzeek gero eta erabiltzaile gehiago dituzte. Eskariak gora egin du, eta eskaintzari neurria jarri nahian ari dira euskal hiriburuetako udalak. Onurak baino ez dizkiote ikusten nola teknikariek hala erabiltzaileek.
Aktore protagonistak Nicole Kidman eta Hugh Grant. ©BERRIA

Burbuila bezain hauskorra

Mikel Yarza Artola

David E. Kelley estatubatuarrak 'The Undoing' telesaila aurkeztu du, 'Big Litte Lies' goratuaren ostean
Itziar Atienza, Aitziber Garmendia, Getari Etxegarai, Leire Ruiz, Naiara Arnedo eta Sara Cozar, filmaren grabazioan, Bizkaian. ©ERLAUNTZA

Umorez blaitutako ziztada

Nagore Arin

Zinema aretoetara iritsi da 'Erlauntza' ekoizpena, bi urtez antzokiz antzoki ibili ondoren. Sei emakume ditu protagonistatzat, eta ostiralean estreinatuko da Hego Euskal Herrian

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna