Albistea entzun

Datorren asteko estreinaldiak

Maitasuna, ur uhinetan barna

Christian Petzold zinemagilearen 'Undine' lan berriak maitasun istorio bat du oinarri. Drama darion film bat da, eta Movistar Plus eta Filmin plataformetan estreinatuko dute
Undine, bakarrik utzi zuen maitalearekin, igerileku batean. Gerora ezagutuko du Christoph, urpekari gisa lan egiten duen gizon adeitsu bat.
Undine, bakarrik utzi zuen maitalearekin, igerileku batean. Gerora ezagutuko du Christoph, urpekari gisa lan egiten duen gizon adeitsu bat. UNDINE Tamaina handiagoan ikusi

Nagore Arin -

2021eko martxoak 6

Undine. Horrela du izena Christian Petzold zinemagilearen lan berriak. Baina izenburu soil bat izateaz harago, filmaren bizkarrean gordetzen dena xehatzen lagundu dezakeen kontzeptu bat da. Greziako mitologian erabili izan da gehienbat undine hitza. Elezahar batzuen arabera, urari loturiko pertsonaiak ziren. Gerora, ninfa kontzeptuarekin ere izendatu zituzten, eta urteak aurrera egin ahala, sirena gisa ere izendatu izan dira.

Filmaren kasuan, pertsonaia nagusiari ematen dio nortasuna. Emakume historialari bat da Undine, eta Berlingo hiri garapenari buruzko hitzaldiak ematen ditu. Maitale bat du, eta maitaleak bakarrik uzten duenean, barruan dituen mamuak gailenduko dira pertsonaiaren egunerokoan. Harreman galdu hori eta hark eragindako beldur guztiak gainditzen dituen bitartean, beste pertsona bat agertuko da Undineren parean: Christoph, urpekari gisa lan egiten duen gizon adeitsu bat.

Undineren antzera, urarekin lotura nabarmena du bigarren pertsonaiak. Maitasun harreman batean murgilduko dira biak ala biak, eta, hala, minbera zituen zauriak sendatzen hasiko da Undine. Hasiera pasional hori salbamendu uztai bihurtuko da Undinerentzat, baina gertatzear den istripu bat mugarri izango da Undineren bizitza berriz ere kolokan jartzeko.

Sinbolismoak nonahi

Film osoan presente dagoen elementu bat da ura. Izenburuaren funtsa indartzeaz gain, ekoizpenaren hari narratibo ere bada, eta berebiziko garrantzia du gertakari guztietan. Filmaren sinbolismo ugarietako bat da; izan ere, sinbolismoz eta poesiaz beteta dago filma. Sinbolismoak, ura bezalako elementuekin egindakoak; eta poesiari lotutakoak, berriz, ekoizpenaren muntaian eta irudien tratamenduan.

Zinemazaleen artean ere ezaugarri horiek nabarmendu dituzte. Christian Petzold zuzendariaren lana azpimarratu dute, eta adierazi dute zinemagilearen berezko elementu asko dituela, eta positiboak zein negatiboak direla. Horien artean dira, hain justu ere, maitasuna eta drama muturreraino eramatearen grina, eta itxuraz sinpleak diruditen baina pixkanaka bira batzuekin korapilatzen diren kontakizun askotarikoak. Horrez gain, Undireren pertsonaia pantailaratzen duen Paula Beer antzezlearen jarduna ere goraipatu dute adituek.

Jaialdi entzutetsu askotan proiektatu dute jadanik filma, eta horietako hainbatetan garaikur ugari lortu ditu, gainera. Europako Zinemaren Sariak jaialdian, adibidez, film onenaren sailean izendatu zuten, eta emakumezko antzezle onenaren garaikurra irabazi zuen. Berlingo Jaialdian ere sari berbera irabazi zuen Paula Beer antzezleak, eta, lorpen horretaz gain, Fipresci deituriko garaikurra ere eraman zuen filmak. Sevillako Jaialdian, bestalde, zuzendaritza onenaren eta muntaia onenaren sariak lortu zituen.

'UNDINE'
Zuzendaria. Christian Petzold.
Aktoreak. Paula Beer, Franz Rogowski, Maryam Zaree, Jacob Matschenz, Anne Ratte-Polle, Rafael Stachowiak, José Barros, Julia Franz Richter.
Herrialdea. Alemania
Urtea. 2020.
Iraupena. 90 minutu.
Generoa. Maitasuna, drama.

Ostiralean estreinatuko dute Movistar Plus eta Filmin atarietan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Musika ekoizleok artistak ere bagara»

Unai Etxenausia

Musika urbanoa ekoizten hasi zen Denso duela bost urte. Euskal Herrian indarra hartzen ari den generoa dela nabaritzen du. Horregatik, estudio profesional bat irekitzeko apustua egingo du.
Ezkerretik eskuinera, Eider Amundarain Zaldibiako Lardizabal eskolako zuzendaria, Eñaut Agirre eta Zineb el-Ghaouti gurasoak, eta Karmele Perez Huheziko irakaslea. ©ARITZ LOIOLA / FOKU

Eskola denentzat izan dadin

Ane Insausti Barandiaran

Eskolako funtzionamendua euskaraz izan dadin, baina, era berean, edukiak guraso guztiek uler ditzaten, proiektu bat abiarazi dute Zaldibiako eskolan. Guraso euskaldunak eta migratzaileak elkarrekin ari dira baliabideak sortzen. Orain arte egindako bidea aztertu dute, jardunaldi batzuetan.

 ©MARISOL RAMIREZ / @FOKU

«Ipuinetako lizentziak hartu dituzte bertsolariek»

Urtzi Urkizu

Bertsolari Txapelketa Nagusiko ETBko emanaldietan analisiak egiten aritu da Martin, Ilaski Serrano esatariaren alboan. Hala arituko da hilaren 18ko finalean ere, Iruñean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...