Albistea entzun

Datorren asteko estreinaldiak

Pantaila handian ere erregea izateko bidean

Stephen Kingen egokitzapenen zerrenda are gehiago luzatu du 'Pet Sematary' liburuaren bertsio berriak
Louis Creed bere familiarekin beste etxe batera joango da bizitzera, handik gertu hilerri bat dago.
Louis Creed bere familiarekin beste etxe batera joango da bizitzera, handik gertu hilerri bat dago. BERRIA Tamaina handiagoan ikusi

Gontzal Agote -

2019ko martxoak 30

Munduan dagoen idazlerik oparoena ez bada, izendapen horretatik urruti ez da izanen Stephen King. Bibliografia mugaezina eta aberatsa du idazle estatubatuarrak; beldurrezko generokoa gehienbat, baina beste genero batzuetara ere ailegatzen dena. Azken urteotan haren ospea zertxobait apaldu bada ere, hamarkadotan milioika liburu saldu ditu Kingek.

Oparotasun horrek isla garbia izan du zineman, idazle gutxik izanen dituzte Kingek adinako film. Afera ez da kantitatera mugatzen, haren istorioen nolakotasunak zerikusi zuzena du egokitzapen kopuru horrekin; erakargarriak baitira kontatzen dituenak, eta pantaila handira eramateko oso aproposak. Horrekin lotuta, eta, salbuespenak salbuespen, moldaketa horien batez besteko maila liburuen ohiko egokitzapenen gainetik egon ohi da.

Hortaz, ezinezkoa da tarte urri honetan Stephen Kingen liburuen gainean zinemarako izan diren bertsioen errepaso xehea egitea. Bai, ordea, horietako nabarmenenak gogora ekartzea.

Zerrenda ezinezko horretan, norberak izanen du bere kuttuna, baina, dudarik gabe, Stanley Kubrickek egin zuen The Sihning ahaztezin hura goialdean egonen da. Gainera, zuzendari eta idazlearen uztarketa horrek beldurrezko generoari eta Kingi berari kalitatearen labela emateko balio izan zuen.

Ez da Kubrick izan idazlearen lanek erakarri duten zuzendari handi bakarra. Egokitzapenen zerrenda luzeari erreparatuta, maila handiko beste izen batzuk topa daitezke: David Cronenberg (The Dead Zone) Brian de Palma (Carrie), George A. Romero (Creepshow), John Carpenter (Christine) edota Rob Reiner (Misery eta Stand by me).

Hala ere, bada beste zuzendari bat, horren ezaguna izan gabe, Kingen lanen gainean egokitzapen aipagarriak eta oso arrakastatsuak egin dituena: Frank Darabont. Hain zuzen, 1990eko hamarkadan sona handia izan zuten bi film bikain egin zituen; The Shawshank Redemption eta The Green Mile. Horiez gain, 2007an horrenbesteko harrera ona izan ez zuen The Mist ere egin zuen.

Etenik ez duen soka

Urteak joan, urteak etorri, Stephen Kingen egokitzapenen sugarra ez da itzali, eta azken urteotan ere haren istorioen gainean makina bat film ailegatu dira. Entzuterik handiena duela bi urteko Andy Muschiettiren It filmak izan du, baina azken bi urteotan askoz oharkabeagoan pasatu diren beste batzuk ere izan dira: The Dark Tower, Gerald's Game, 1922... baita zenbait telesail ere.

Pet Sematary-ren txanda da orain, eta hori ere ez da kontu berria. Izan ere, bada Kingen eleberri horren gainean egindako beste bertsio bat, izenburu berekoa. 1989. urtean Mary Lambertek zuzendu zuen, eta, orduan, nahiko ongi lortu zuen liburuaren arima jasotzea. Horrez gain, ahaztezina da Ramones taldeak film horretarako egin zuen izen bereko kanta, gerora taldearen abesterik ezagunetako bihurtu zena.

'PET SEMATARY'

Zuzendaria. Dennis Widmyer, Kevin Kolsch.

Aktoreak. Jason Clarke, John Lithgow, Amy Seimetz, Jete Laurence, Hugo Lavoie.

Herrialdea. AEB.

Urtea. 2019.

Iraupena. 120 minutu.

Generoa. Beldurrezkoa.

Ostiralean estreinatuko dute Hego Euskal Herrian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mirari Martiarena eta Idoia Torregarai ©Gorka Ruio / Foku

Martiarena eta Torregarai ‘Harpa jotzen’ ibiliko dira podcast batean

Urtzi Urkizu

EITBk astelehenean estreinatuko du umorezko podcasta. Zortzi atal izango dira, eta bakoitzean gonbidatu batekin gai zehatz baten inguruan mintzatuko dira.

 ©MARISOL RAMIREZ / FOKU

«Surfaren klixeak desegitea oso zaila da»

Enekoitz Telleria Sarriegi

Lopez de Gereñuk bere pasioetako bi uztartu ditu aurreneko aldiz: artea eta surfa. 'Surf Like You Are, Live Like You Surf' erakusketa jarri du Bilboko Itsasmuseumen. Erretratuak paperezko poltsetan egiten ditu.
Aleix Garrido dronearekin grabatzen. ©ALEIX GARRIDO

Hegan egitearen antzekoena?

Unai Etxenausia

Oraindik ere gerretan erabiltzen dira, baina oso bestelakoa da jende askok droneari ematen dion erabilera. Aisialdirako jarduera bat izateaz gain, eguneroko lanaren parte bihurtu da askorentzat. Legedia zorroztu da, eta baimen bereziak eskuratu behar dira arazo barik gidatu ahal izateko.

Toni Collette aktorea, <em>The Power</em> telesailaren irudi batean. Sari nagusia irabazteko hautagaietako bat da Lillen. ©AMAZON

Series Mania jaialdiko edukiak Iparraldean ikusgai, sarean

Urtzi Urkizu

Lillera joan gabe, lehian diren telesailak ikusi ahalko dira plataforma batean. Martxoaren 17tik 24ra egingo dute nazioarteko jaialdia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...