ATZEKOZ AURRERA

Kolore ziztadak azaleratuz

Tatuatzaileen bilgune bihurtu da Irungo Ficoba erakustazoka bigarrenez. Dozenaka postu eta 200 tatuatzaile egongo dira igandera arte. Lehiaketak eta erakustaldiak ere izango dira.
JUAN CARLOS RUIZ / @FOKU Tamaina handiagoan ikusi

Izaro Zinkunegi Barandiaran -

2019ko martxoak 23

Artea da tatuatzea; artea, gorputz batean», esan du Ander Oribek. Gasteiztik joan da Irungo Ficoba (Gipuzkoa) erakustazokara. Ahuspez jarrita dago ohatila batean. Kiku Gamell tatuatzailea ari da haren ezker hankako bikian lanean. Hartz baten burua, eta izokin bat haren ondoan. Animaliak, hitzak, pertsonak, landareak... tatuatzaileek irudi ugari egin zituzten atzo Ficobako tatuatzaileen azokan.

Kolore beltza da nagusi azokako pasilloetan, nola arropetan hala jendearen azaletan ere. Beltzez jantzita dago Maialen Caballero tatuatzailea; Irunen bildutako 200 tatuatzaileetako bat. Santa Venus da haren izen artistikoa: «Tatuajearen munduan ez da aurreratu Euskal Herrian. Ikuspegi itxia daukagu», adierazi du. Irungoa da tatuatzailea, eta uste du erakustoki egokia dela Ficobakoa ideia horiek alboratzeko. Ondoan du lankidea Caballerok, hanka batean ziztaka. «Egun osoko lana dauka. Tatuaje handiak ere egiten ditugu». Hain zuzen, lan horrekin arratsaldeko tatuaje lehiaketan parte hartzeko asmoa dutela azaldu du.

Beltza nagusi izanagatik, koloreen abanikoa zabalagoa da pasilloetan aurrera egin ahala. Askotariko marrazkiak daude mahaietan: garezurrak, marrazki abstraktuak, animaliak eta beste. Boligrafoz markatutako izter bat dauka parez pare Elena Olano tatuatzaileak; zakur baten argazkia dauka ondoan, tableta batean. Kolore marroi, horizta eta beltza ditu irudiak. Horiexek daude Olanoren ondoko mahaiko potetxoetan ere. Haietako batean sartu du orratza, kontu handiz.

Tatuajeak ez ezik, piercingak jartzeko aukera ere bada zenbait postutan. Kamiseten, jertseen eta buruko zapien salmahaiak ere badaude tartean; oholtzaren ondoan, esaterako. La Bibitches DJak jarritako abestiak ozen entzuten dira handik. Dantzan ari da musikaria, besoetako tatuajeak agerian. «Orain lanean ari naiz, baina tarteren bat badaukat, zerbait tatuatuko dut nik ere».

Tekno, rock eta bestelako doinuak jarriagatik, etenik gabeko makinen zarata da nagusi erakustazokan. Zertxobait isilago dago Juanpe Tattoo postuaren ingurua, amaitu berri baitu Sandra Tavira tatuatzaileak azokan egin duen lehenengo lana. «Madrildik etorri naiz. Egun hauek oportxoak dira niretzat; oporrak, baina lanean». Plastiko gardenaren zati batekin bildu dio ezker besoa Samuel Guerrerori: Ander irakur daiteke han. «Lehenengo tatuajea da. Nire lehenengo semearen izena tatuatu dut». Gogor samarra egin zaiola onartu du 40 minutu inguruko ziztada sorta.

Norbere ideien erakustoki

Buru-belarri ari da Ander Ortiz Villabonako (Gipuzkoa) tatuatzailea. Anders Tattoo irakur daiteke haren postuan. «Erakusleiho ederra da azoka. Tatuatzaileen arteko harremanak egiteko ere balio du». Aida Lecharen ezker besaburua da Ortizen azken lanaren erakusleihoa, oraindik amaitzeko daukan arren. Emakume baten aurpegia ageri da, eta landare bat du eskuetan. «Ama lurra da. Anderrek diseinatutakoa».

Arima Tattoo izeneko postuan daude Bittor Cid eta Xabier Letamendi. Tatuatzeko makinaz gain, errotuladoreak ere badituzte mahaian. Izan ere, free hand teknika erabiltzen du Letamendik: «Bezeroaren azalean marrazten dut zuzenean errotuladoreekin, haren ideiak eta erreferentziak erabilita». Teknikak teknika, marraztea baino gehiago da tatuatzea: «Adierazpen askatasuna da tatuajea; jendeari ideiak azaleratzen laguntzen diogu guk». Orratzak dantzan ibiliko dira gaur-biharretan ere azokan, ideiak koloreztatzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna