Albistea entzun
Emakumeen aurkako indarkeriari ez
Emakumeen aurkako indarkeriari ez

ATZEKOZ AURRERA

Literaturaren gazte begirada

Ikusi Mikusi haur eta gazte literaturaren azokak 1.200 ikasleri egin dio batzarri eskolen egunean, atzo. Gaur ere Sara osorik hartuko du euskara hutsezko bigarren azoka honek.
Maialen Alfarok <em>Altxorraren bila</em> liburua kontatu die bisitariei.
Maialen Alfarok Altxorraren bila liburua kontatu die bisitariei. GUILLAUME FAUVEAU Tamaina handiagoan ikusi

Ainize Madariaga -

2022ko urriak 8 - Sara

Begiek manatzen duten eguna du Sarak(Lapurdi). Zer ikusi, zerk erakarri, hartarako tirria ukan, oinek harat eraman dute bisitari gaztea, liburuzko etorbideetan barrena. Karrikak autoz hustu dituzte, soa galdu ahal izateko koloretako orriek diseinatu irudimenean, batere arranguratu behar izan gabe ezker eta eskuinera begiratzeaz plaza zeharkatzeko.

Zangoek ez dute begirik beharko egun eta bihar; tradizioari leial, literaturak markatu du egun herriko giza trafikoa. Ikusi Mikusi haur eta gazte literatura azokak bigarren aldikoz zabaldu die borta euskarazko letra, marrazki eta haien inguruko animazioei.

Pilota plaza hartua dute Urdazubi-Zugarramurdiko (Nafarroa) ikastetxeetako ikasle-erakasleek, akrobazietan galdua dute oreka, azieta txinatarrak zirien puntan biratuz etzanak atxikitzen entseatzen dira.

Hortik hurbil, Hazparneko Ezkia ikastolako taldeak amiñi bat galdua irudi du; Maialen Alfaroren tailerra dute helmuga, baina ez dute oraino Larrun gela ediren. Uroski topo egin baitute Jose Cazaubon Sarako Herriko Etxeko kultura arduradunarekin, zeinak bideratu baititu zalu Larrun gelarat. Goiti abian den karrika mugatzen dute hegi bakoitzean lurrean zutik eta zabalik diren liburuek, murru gainean edo hari batetik txilintxau direnek.

Suharriagatik hurbil egin die batzarri ikasle andereñoei Alfarok. Murgildu ditu altxorraren bilaketa batean, norbera bere baitaratzeko ariketak direla medio: «Diamanteak» irudikatu ditu Miarritzeko (Lapurdi) Itsas Argi ikastolako ikasle batek; «goxokiak» beste batek; «txanponak» edota «bixkotxak» bertzeek. Altxorren bila liburuari segika, publikoak elkarri masajeak egin dizkio, eta «ongi entzun du bere gorputza». Funtsean, altxorra norberak bere baitan baitu.

Jabaldurik ilki dira bisitariak, eta beheiti abiatu, Lurberri gelarat, 15 euroko balioko txartela laket duten liburuaren truk baliatzeko. Kamiseta turkesa argia beztitua dute Baionako Bernat Etxepare lizeoko hiruko ikasle-laguntzaile brigadek, antolaketan ezinbertzeko piezak.

Haur parkea gainezka da, haurrez eta irudimenez. Oztibarreko ikastolako Mirentxu Lako andereñoak kausitu du norgehiagokan gailentzea: liburua leitzen ari baitzaie bisean bis dituen begi borobil eta zabal-zabalei, gorgoinei bizkarra emanez. «Atzeman gaitu liburuak! Alta herioaz ari da! Sekulakoa», ñir-ñir dauka so lausoa.

Ikasleak ikusle

1.200 ikasle jin dira bazter orotarik. Ziburuko (Lapurdi) Piarres Larzabal kolegioko eta Orioko (Gipuzkoa) ikasleek elkarrizketa dirdiratsua egin diote Yolanda Arrietari, Kanaldudek apailaturiko telebista platoan. «Gustukoa izan dut zure erantzuna, jostearena...», erran dio Arrietari Pantxika Maitia kazetariak.

Paxkal Indo antolatzailea izerditan iragan da, irrizu. Irakurketa musikatua animatzen ari da Amaia Hennebutte antolatzaile kidearekin batera, saio bat bertzearen ondotik.

Mattin marrazkilariak ez du marrazteko tarterik, Ixabel Agirresarobe ipuin kontalariarekin batera batzarri egiten baitiete tai gabe agertzen zaizkien gazteei. «Bihar bai, jarriko naiz marrazten, baina gaur ez, arnasa hartu beharra dut haiekin egoteko!».

Kanpoan, itzalean, mahai batean kontzentratua du begirada Maia Etxandik, arratsaldean moderatu beharko duen mahai ingurua prestatzen ari baita: Euskaraz sortu edota euskaraz itzuli?.

Bizkitartean, Sarak ez die begirik kentzen Axularren lumari segida eman diezaioketen orori.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...