Albistea entzun

Datorren asteko estreinaldiak

Beanekin konformatu nahi ez duen aktorea

Johnny Englishen hirugarrenaren protagonista nagusia da Maigret detektibearena egiten ari den Rowan Atkinson
Rowan Atkinson eta Olga Kurylenko dira filmeko protagonistetako bi.
Rowan Atkinson eta Olga Kurylenko dira filmeko protagonistetako bi. BERRIA Tamaina handiagoan ikusi

Gontzal Agote -

2018ko irailak 15

Askoz lehenago hasia bazen ere, Mister Beanen rolean ezaguna egin zen Rowan Atkinson. Hasieran, izugarri gozatu zuten ikusleek pertsonaia horrekin, eta zinema mutuan oinarrituta zeuden abentura irrigarriekin. Baina maitasun istorioak ez zuen luze iraun, Euskal Telebistako lehenengo kateko arduradunek erabaki baitzuten umore britainiarra oso egokia zela ikusle euskaldunontzat eta azkenerako Atkinsonen errepikapenekin eta betelanarekin nazkatu zituzten ikusleak.

Telesaila izateko jaio bazen ere, laster, pantaila handira egin zuen salto Mister Beanek, baina pelikula luzeek ez dute sekula lortu telebistarako formatuak lortu zuen arrakasta erdietsi.

Nolanahi ere, ez litzateke zilegi Rowan Atkinson soilik Mister Beanekin lotzea. Aktore lanetan ibilbide luzea du britainiarrak, bereziki komedietan. Azkenaldian Maigret inspektorearen rolean ikusi ahal izan da, eta bestelako film ezagunetan ere lan egin du, Four Weddings and a Funeral edota James Bonden Never Say Never Again.

Hain zuzen ere, orain dela hamabost urte Ian Fleming idazleak sortutako pertsonaia ezagunaren parodia argia da Johhny English. Bondekin duen harremana ez da izaera parodikora mugatzen, sailaren lehenengo pelikulan agente sekretuaren hainbat gidoi idatzi zituzten Neal Purvis eta Robert Wadek lan egin zuten.

Sail patxadatsua

2003an estreinatu zen lehenengo film hori, Johnny English izenburuarekin eta Peter Howitten zuzendaritzapean. Rowan Atkinsonen neurrira egindako pelikula zen, eta harena zen protagonismo ia erabatekoa. Hala ere, alboan beste aktore ezagun batzuk izan zituen, John Malkovich, Ben Miller eta Natalie Imbruglia.

Istorio sinplea samarra izan arren, Atkinsonen erakarpen ahalmenak lehenengo Johhny English pelikula komertzialki arrakastatsu bihurtzea lortu zuen, Britainia Handian bederen. Han, hiru astez egon zen gehien ikusitako pelikulen zerrendaren buruan.

Agente sekretuaren sailak segida izan zuen, baina ez berehalakoan. Zortzi urte pasatu ziren Johhny English Returns estreinatu zen arte. Orduko horretan, Txinako presidentearen kontrako hilketa saiakera izan zen pelikularen ardatza, baina gainerakoan ez zen aldaketa handirik, Rowan Atkinsonek segitzen baitzuen izar nagusia izaten.

Orain, hirugarrenaren txanda ailegatu da, Johnny English Strikes Again. Zibereraso baten ondorioz, Britainia Handiko agente sekretu guztien ezkutuko nortasuna arriskuan geldituko da. Johhny English izanen da erasoa egin duen hackerra harrapatzen ahalko duen bakarra, baina, horretarako, teknologiarekin dituen arazoak gainditu beharko ditu.

'JOHNNY ENGLISH STRIKES AGAIN'

Zuzendaria. David Kerr.

Aktoreak. Rowan Atkinson, Olga Kurylenko, Jake Lacy, Ben Miller, Tuncay Gunes.

Herrialdea. Britainia Handia.

Urtea. 2018. Iraupena. 88 minutu.

Generoa. Komedia.

Ostiralean estreinatuko dute Hego Euskal Herrian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Iñaki Etxeleku, Ipar Euskal Herriko Hitza

“Besta ez-komertziala izanen da; egiazko hartu-eman bat”

Iñaki Etxeleku, Ipar Euskal Herriko Hitza

Urriaren 31n Arimen Gaua lehen aldikoz ospatuko dute Itsasun, ikastolako eta beste bi eskola elebidunetako haurrekin. Trukea, harremana eta euskal kultura landu dituzte haurrekin.

Jendea Arbonako lur okupatuetan, gaur goizean, Lurrama jaialdiaren hasieran. ©Lurrama Elkartea

Lurrama jaialdia ospatu dute Arbonan

Berria

Kontzertuak, hitzaldi bat eta beste egin dituzte, eguraldia lagun. Arbonan kokatu dute aurten, okupazioari sostengua emateko.

Hainbat lagun hegazti migratzaileei behatzen, atzo, Lizarietako lepoan, Saran. ©GUILLAUME FAUVEAU

Txorien bidaia, largabistekin

Oihana Teyseyre Koskarat

Agorrilaren erditsutik hasiak dira hegaztien migrazio mugimenduak. Horiek zaintzeko lanetan ari da CPAL elkartea, Saran, Lizarietako lepotik begira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.