Albistea entzun

Eusko Jaurlaritza otsoaren kudeaketa plana prestatzen hasiko da aurten

Ingurumen sailburuak berretsi du animalia babestu izendatu dutela irizpide teknikoekin. Abeltzainek gogor kritikatu dute erabakia
Bi otso, artxiboko argazki batean.
Bi otso, artxiboko argazki batean. ANA RETAMERO OLMOS / EFE Tamaina handiagoan ikusi

Jon Rejado -

2019ko maiatzak 7 - Gasteiz

Otsoa aurki sartuko da EAEn arriskuan dauden espezieen zerrendan. Eusko Jaurlaritzak hilabete batean amaituko ditu tramiteak, eta interes bereziko animalia izendatuko dute. Horrek, ordea, ez du behin-behineko eragina izango. Hala azaldu zuen atzo Jaurlaritzako Ingurumen sailburuorde Elena Morenok, Eusko Legebiltzarrean. Izendapen horren harira, zenbait lan egin beharko dituzte: EAEko otsoaren errolda, bilakaerari buruzko txostena eta Kudeaketa Plana. Sailburuordeak jakinarazi zuen lan horiek urtea amaitu baino lehen hasiko dituztela.

Morenok defendatu zuen otsoa arriskuan dauden animalien artean sartzeko erabakia. Hori egiteko «irizpide teknikoak» baliatu dituztela nabarmendu zuen, eta adituen azalpenei jarraitu dietela. Gogora ekarri zuen Euskadiko Otso Taldeak eskatu duela desagertzear dagoen animalia izendatzeko. Sailburuordeak, baina, argitu zuen ez dagoela horren beharrik. Ordea, gaineratu zuen emandako izendapenak ez duela behin-behineko eraginik izango; hots, ez duela ekarriko otso kopuruak gora egitea edo desagertzea. Kudeaketa planean zehazten diren neurrien araberakoa izango da eragina.

Horren harira, Morenok nabarmendu zuen kudeaketa planaren nondik norakoak zehaztuko dituztela hiru aldundiekin batera. Araba, Bizkai, eta Gipuzkoako foru aldundiak dira otsoaren kudeaketan eskumenak dituzten administrazioak. Are, Arabakoak badu, dagoeneko, Otsoa Kudeatzeko Plana. Sailburuordeak gaineratu zuen otsoaren egoera aztertzeko ikerlanean diputazioetara jo zutela, eta hiruretako bakar batek ere ez zuela EAE mailako kudeaketa plan baten beharrik ikusi.

Zerrendatik at uztea

UAGA eta ENBA nekazaritza sindikatuek gogor kritikatu dute otsoa arriskuan dauden animalien zerrendan sartu izana. Behin-behineko eraginik izango ez badu ere, zerrendatik kentzeko eskatu dute. Haien iritziz, otsoak ez daude arriskuan, eta bai, ordea, abeltzaintza. Azpimarratu zuten otsoaren presentziak kolokan jartzen duela orain arteko eredua. Are, gaineratu zuten beste espezie batzuk kolokan utziko dituela; ardi latxa, kasurako.

Legebiltzar taldeen gehiengoak erabaki zuen gaiaren inguruan erdibideko akordio bat lortu beharko dela, eta esan zuten elkarrizketarako bideek irekita egon beharko dutela hori lortzeko. Aurrera begira, Jaurlaritzari galdegin zioten jarrera irekia izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

MHLI taldeko ikertzaileak eta Maria Jose Telleria Gipuzkoako Foru Aldundiko Kultura diputatua, gaur, aldundian. ©JON URBE / FOKU

Euskal liburu asko zentsuratu zituzten Franco hil ostean ere

Mikel Elkoroberezibar Beloki

Torrealdairen lanari «jarraipena» emanez, MHLI taldeak 1975. eta 1983. urteen arteko zentsurari buruzko liburu bat ondu du. Zentsoreen obsesioa «separatismoa» zela nabarmendu du Ana Gandara ikertzaileak.

Urkullu, gaur goizean, Eusko Legebiltzarrean. ©Endika Portillo / Foku

Urkulluk uste du euskararen aurkako epaiek ez dutela zalantzan jartzen hizkuntz politika

Iosu Alberdi

Urteko lehen kontrol saioa egiten ari dira Eusko Legebiltzarrean. Osasun sistema publikoaren eta pribatuaren arteko harremana babestu du lehendakariak.

AHTaren tunel bat Lezetxiki barruan egin dutela salatu dute ©Lezetxikiren Lagunak

Gipuzkoako Foru Aldundiak dio AHTak ez duela «inolako kalterik eragin» Lezetxikin

Isabel Jaurena

Ekologistak Martxan taldeak erran du AHTaren obrek «haitzuloko lurpeko ekosistema hauskorrari» kalte egin diotela.

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.