Enkarterri biziberritzeko, zazpi milioi inbertituko dituzte erakundeek

Planaren lehen 11 hilabeteetan langabezia %7,95 jaitsi da eskualdean. BI-630 errepidea hobetzeko lanak datorren astean esleituko dituzte
Imanol Pradales, atzo, Enkarterri biziberritzeko planaren emaitzak aurkezten, Bilbon.
Imanol Pradales, atzo, Enkarterri biziberritzeko planaren emaitzak aurkezten, Bilbon. MONIKA DEL VALLE / FOKU Tamaina handiagoan ikusi

Lander Muñagorri Garmendia -

2018ko abenduak 12

Enkarterri biziberritzeko abiatutako plana bere emaitzak izaten ari da. Edo hala ziurtatu du, behintzat, Imanol Pradales Bizkaiko Aldundiko Ekonomia eta Lurralde Garapena Sustatzeko diputatuak. Emaitza «positibo» horiek zertan oinarritzen diren arrazoitzeko, langabezia datuak aipatu zituen: 2018. eta 2019. urteen arteko plana martxan jarri denetik 11 hilabete igaro dira, eta denbora tarte horretan 192 langabe gutxiago daude eskualdean. Aldi horretan langabezia %7,95 jaitsi da Enkarterrin, Bizkaian baino gehiago (-%5,6).

Aipagarria da jaitsiera hori, Enkarterri izan delako Bizkaian krisiak gogorren jo duen eskualdea. 2016. urtean, langabezia tasa %19,6 zen, Bizkaiko batezbestekotik urrun: %16. Horregatik, garrantzi berezia eman zion datuari Pradalesek. Arrazoi horregatik jarri zuten eskualdea berpizteko plana martxan aldundiak, Jaurlaritzak, Enkarterriko udalek eta mankomunitateak. Orain arte hartutako neurriak egokiak izaten ari direla azaldu zuen Pradalesek, eta horregatik biziberritzeko planera bideratu beharreko kopurua bikoiztuko dute Bizkaiko Foru Aldundiak eta Eusko Jaurlaritzak: 3,6 milioitik zazpi milioira arte.

Edozein moduz, 2019. urtea amaitu arte bideratuko den diru horren erdia BI-630 errepidea hobetzeko erabiliko dela ere argitu zuen. Balmasedatik Karrantzara (Bizkaia) doan errepidea egokituko da, eskualdearen biziberritze planak azpiegiturak hobetzea eskatzen zuelako. Errepidea bost fasetan egingo da. Balmaseda-Malabrigo (Sopuerta) auzoen artekoa izango da lehenengoa, eta datorren astean adjudikatuko dira lanak. Hemezortzi hilabete iraungo dute, eta 6,5 milioi bideratuko dira. Hau da, 2019an 3,5 milioi inguru erabiliko dira azpiegitura hobetzeko.

44 lanpostu berri

Azpiegituretan bezala, enpresen jarduera sustatzeko helburua izan zuen biziberritzeko planak. Planak iraun duen 11 hilabeteetan lau enpresek Jaurlaritzaren Indartuz programan parte hartu dute —orain arte Enkarterri ez zegoen proiektu horretan—, eta ekoizpen sarean inbertsioak egiteko 3,7 milioi euroko laguntza jaso zuten. Horren eraginez 44 lanpostu berri sortu direla nabarmendu zuen diputatuak. 52 enpresa txiki eta ertainek laguntza berezia jasoko dute garapen proiektuak bideratu eta lehiakortasuna hobetzeko, eta eskualdeko 35 tailer mekanikorekin proiektu pilotu bat abiatuko dute.

San Viator lanbide heziketako zentroarekin eta Mondragon Unibertsitatearekin batera, mugikortasun elektrikoan sakontzeko egitasmoak aztertu dituzte. «Egitasmoak arrakasta baldin badauka, beste eskualde batzuetara ere eramango dugu», azaldu zuen Pradalesek. Azkenik, hamasei dendatan sareko salmentak egiteko laguntzak ere eskaini dituzte.

Ekimen horiekin guztiekin lehen emaitzak jaso dituztela ondorioztatu zuen diputatuak, eta, horregatik, bide horretan lanean jarraitzeko asmoa erakutsi zuen.

Biziberritze plana 2019. urtea amaitzearekin batera bukatuko litzateke, baina hortik aurrera Enkarterrirako 2020-2025 plan estrategikoa bultzatuko dute Jaurlaritzak, aldundiak, udalek eta mankomunitateak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©VICTOR LERENA / EFE

«Ezin dugu onartu enpresako akordio batek sektoreko itun bat okertzea»

Xabier Martin

Espainiako Gobernuak pentsioen erreforma eta lan erreforma egingo ditu datozen hilabeteetan, eta Unai Sordok CCOOren posizioa zehaztu du. Ez du argitu, ordea, leman jarraitu nahi duen.
Greban zeuden Kelvioneko langile batzuen zaintza txanda, plantaren aurrean. ©JAIZKI FONTANEDA / FOKU

Kelvionek ez du itxiko, baina langileen erdiekin jarraituko du Igorren

Imanol Magro Eizmendi

Langileek bozketa bidez onartu dute multinazionalaren eskaintza. Lau urterako lana dute ziurtatua, baina 73 operarietatik 37 geldituko dira
Ahate batzuk, Ipar Euskal Herriko haztegi batean ©Isabelle Miquelestorena

Hegazti gripearen lehen kasuak baieztatu dituzte Ipar Euskal Herrian

Jokin Sagarzazu

Agerraldia kontrolpean dutela ziurtatu du Euskal Elkargoak. Animaliak ez dituzte hilko.

Kasu Kasu Ostalariak Kexu kolektiboaren agerraldia, goizean. ©Guillaume Fauveau

Ipar Euskal Herriko hautetsiak akuilatu dituzte ostalariek

Oihana Teyseyre Koskarat

Kasu Kasu Ostalariak Kexu kolektiboan Iparraldeko 100 bat ostalari bildu dira. Zazpi hilabete pasatu dituzte hetsirik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna