Albistea entzun

Araluceko lantegia husten hasi da Batz kooperatiba, Ertzaintzak lagunduta

Epaitegiaren baimena du. Langileek ez dute erresistentziarik jarri, baina salaketa ipiniko dute. ELAk eta LABek gogor salatu dute itxiera
Kamioiak Araluceko materialarekin eta langileak protestan, atzo.
Kamioiak Araluceko materialarekin eta langileak protestan, atzo. BERRIA Tamaina handiagoan ikusi

Jokin Sagarzazu -

2019ko abenduak 27

Egindako lana eta erabilitako tresnak beren lantokitik nola ateratzen zituzten ikusi zuten atzo Araluce enpresako langileek. Azaroaren 8tik atxikia zuten makineria eta produkzioa, aurreikusitako kaleratzeengatik protesta egiteko. Batz kooperatiba da Igorreko (Bizkaia) lantegi horren egungo jabea, eta planta horretako makineriarena eta produkzioarena ere bai. Hala ebatzi zuen Bilboko Merkataritza arloko 2. Epaitegiak aurreko astean.

Atzo goizean hasi ziren epaia betetzen. Epaitegiak jarritako konkurtsoko administratzailea joan zen hara, Ertzaintzak prestatutako operatibo handi batekin, eta materiala ateratzeko kamioiekin. Han topo egin zuten langileekin: protesta egin zuten, baina ez zuten erresistentziarik jarri. Dena den, Batzen kontrako salaketa jarriko dute Eusko Jaurlaritzako Lan Ikuskaritzan, greba batzordeari instalazioetara sartzea «galarazi» ziotelako.

Batzek lantegia itxi zuenean ere izan ziren poliziak, azaro hasieran; ordutik, greban daude langileak. Itxialdiak eta manifestazioak egin dituzte, eta, protesta gisa, atxikita eduki dute materiala. Automobilgintzarako trokelgintzan aritu da Araluce.

Batzen ustez, Araluceko produkzioaren «bahiketak arriskuan» jartzen du kooperatibaren etorkizuna, eta azaldu du makineria eta produzitutakoa salduz ordaindu nahi dituela Aralucekoen kaleratzeak. Negoziazioak blokeatuta daude; epaitegietan dago auzia. Batzen itxiera patronala eta likidazio proposamena ez zuten onartu langileek; orain, konkurtsoko administratzaile batena da itxieraren ardura.

Arratiako eskualdean oihartzun handia izaten ari da auzia. Hangoak dira Araluceko 141 langile eta Batzeko 700 kooperatibistetako gehienak.

Mondragon «erantzule»

Atzoko gertakarien harira, ohar bat kaleratu du ELA sindikatuak. Euskal Herrian «aurrekaririk ez duen erasotzat» jo du «beren lanpostuei eusten saiatzen ari diren langile batzuen aurka» egin izana, eta «mugimendu kooperatibista» —zehazki, Mondragon korporazioa (MCC)— egin du «erasoaren erantzule». «Bazkide kooperatibistak ez direnak eskubiderik gabeko langiletzat hartzen dituzte. Kapitalismorik basatiena, talde baten eskuetan: MCC, balio sozial batzuk defendatzen dituela esaten duena».

LAB ere gogor mintzatu da enpresa ixtearen aurka; erabili den modua «legez kanpokoa» dela azpimarratu du. Sindikatuaren ustez, auzia auzitegietara eraman izana kaltegarria da alde guztientzat, eta Mondragoni eskatu dio bazter ditzala «jarrera inposatzaileak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

EAJko buru Andoni Ortuzar eta CEOEko buru Antonio Garamendi. ©LUIS TEJIDO / EFE

EAJk berretsi du ez duela abstentziora joko ez bada lan itunen lehentasuna aldatzen

Xabier Martin

EAJko presidente Andoni Ortuzarrek esan du ez dela egongo «abstentzio taktikorik» eta ez duela «pasatzen utziko»,  «sinplea eta erraza» delako erkidegoetako lan hitzarmenen nagusitasuna jasotzea erreforman. CCOOko buru Unai Sordok dio bi urte gelditzen direla legegintzaldian «aldaketak egiteko».

Ontzi bat Bilboko portuan sartzen ©Luis Jauregialtzo (Foku)

Esportazioak pandemia aurreko kopuruetara itzuli dira

Jokin Sagarzazu

Petrolio olio finduak, ontzigintza eta siderurgia nabarmentzen dira. Autogintzak ere gora egin du, Araban bereziki; Nafarroan, aldiz, behera.

Sidenorreko behargin bat, lanean, Basauriko fabrikan. ©MARISOL RAMIREZ / FOKU

Basauriko Sidenorren lan ituna adostu dute, eta KPItik behera igoko dituzte soldatak

Xabier Martin

LSB-USO, Senda de Ugarte, UGT eta CCOO sindikatuek 2026. urte arteko lan hitzarmena egin dute zuzendaritzarekin, eta soldatak %2,5 igoko dira aurten.

Guggenheimeko garbitzaileek Bilbon egin duten manifestazioa. ©Monika Del Valle / FOKU

Guggenheimeko garbitzaileek babesa eskatu diete hura diruz hornitzen duten erakunde publikoei

Imanol Magro Eizmendi

223 egun daramatzate greban, eta Jaurlaritzak esku hartzea erabaki du, baina, oraingoz, artekari moduan bakarrik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.