Ekainaren 18an epaituko dituzte Domintxaineko eta Bidaxuneko ahatezainak

Lau ahate hazle eta ELB sindikatu auzipetu ditu Baionako prokuradoreak. Frantziako Estatuaren «tematzea» salatu dute
Herritarrak poliziari aurre egiten ahateen hiltzea oztopatzeko, 2017ko udaberrian, Gabadin.
Herritarrak poliziari aurre egiten ahateen hiltzea oztopatzeko, 2017ko udaberrian, Gabadin. BERRIA Tamaina handiagoan ikusi

Ekhi Erremundegi Beloki -

2019ko ekainak 4

Ahatezainen kontrako bigarren epaiketa izanen da ekainaren 18an, Baionako auzitegian. Jean Michel Berho Domintxineko ahate hazlea, Marc, Florence eta Alain Lataillade Bidaxuneko ahate hazleak, eta Panpi Sainte Marie ELB sindikatuko idazkari nagusia auzipetu ditu Baionako prokuradoreak, 2017ko udaberrian Frantziako administrazioak agindutako ahateen hiltzea oztopatzea leporatuta. Laborarien sindikatuak Frantziako Estatuaren «tematzea» salatu du, eta auzi egunean sustengua erakustera deitu.

Joan den udazkenean gisa bereko epaiketa bat egin zuten Pauen (Okzitania), Kati Xabalgoiti Barkoxeko hazlearen kontra. Epaileak errugabetzat jo zuen, baina ELB 5.000 euroko isuna ordaintzera zigortu. Oraingo honetan, Baionako prokuradoreak agindu du auzipetzea, hari dagokion eremuan baitaude Bidaxuneko (Nafarroa Beherea) eta Domintxaineko etxaldeak (Zuberoa).

Hegaztien gripeari aurre egiteko neurri sortaren artean, DDPP Herritarren Babeserako Departamenduko Zuzendaritzak hegaztiak modu prebentiboan hiltzeko agindu zuen 2017ko apirilean, eritasuna zabal ez zedin. ELB laborari sindikatuak neurri horiei buru egitea erabaki zuen; hiru etxaldeetan lehenik —Barkoxen, Domintxainen eta Gabadin— eta Bidaxuneko ahate haztegian ondotik.

Mobilizazio jendetsuak egin zituzten etxaldeen aitzinean, analisien arabera eritasunik ez zuten hegaztien hiltzea oztopatzeko. «DDPPko agenteen eginbeharra trabatzea eta hazkuntza egoitzetara sartzea oztopatzea» leporatzen diete hazleei eta sindikalistari. Herritarren mobilizazio horiek oztopatu egin zuten poliziak eta albaitaritza zerbitzuak etxaldeetara sartzea. Azkenean, hazleek egin analisietan hegaztiak sano zeudela frogaturik, ez zituzten kabalak hil.

Bidaxuneko haztegian egindako analisietan, animalia batzuei gripearen aztarnak aurkitu zizkieten, baina ahateen odolean gripearen kontrako antigorputzak ere aurkitu zituzten. «Eritasuna haztegitik pasatu zen, baina ahateek errisistitu zuten», Panpi Sainte Marie ELBko idazkari nagusiaren hitzetan. «Ahate horiek aztertu eta gainerakoak sendatzeko baliatu ordez, denak hil nahi izan zituzten. Ezin genuen halakorik onartu». Sainte Mariek oroitarazi du administrazioak hegazti guziak hil nahi zituela. «Guk erran genuen hori ez zela zentzuzkoa. ELB ez zen kontra borrokatuko ahateak eri izan balira; hilen genituen, ez da dudarik izan behar. Baina ahateak sano ziren; horregatik borrokatu ginen».

«Zer zentzu du bi urtera?»

Paueko epaitegian bezala, Baionako auzitegian ere Aña Mari Mendiburu abokatuak eramanen du ahatezainen defentsa. Epaiketa egitea bera salatu du, oroitaraziz Frantziako zuzenbidean jaukimenduen egokitasunaren printzipioa jasotzen dela. «Ahateek ez zuten eritasunik garatu engoitik, erabat digerituak dira. Garaian, ordena publikoa trabatu zutela argudiatuta, uler zitekeen, baina zer zentzu du bi urte eta erdi berantago ahate hazle horien kontrako epaiketa egiteak?». Frantziako Estatuaren jarrera salatu du, eta ELBk, bestalde, sustengua erakustera deitu du. Ekainaren 18an elkarretaratze bat eginen dute Baionako auzitegiaren aitzinean, 13:45ean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna