Albistea entzun

ATZEKOZ AURRERA. Amaia Elias. Marie Kondo euskalduna

«Sekulako indarra ematen du dena garbi edukitzeak»

Ordenaren guru Marie Kondoren ikastaro batean izan da Elias, Londresen; orain, praktikak egin behar ditu, 'Konmari' metodoa barneratzeko.
GORKA RUBIO / FOKU Tamaina handiagoan ikusi

Maialen Unanue Irureta -

2019ko apirilak 23 - Zarautz

Marie Kondo ezagutu baino lehen desordenatua zen Amaia Elias (Azkoitia, Gipuzkoa, 1990). Barrualdeen diseinatzailea da: gauza bakoitzak etxean bere leku propioa izatearen garrantzia nabarmendu du, horrela, balioa ematen zaielakoan.

Jaso duzu bedeinkapena?

Bedeinkapena, batez ere: harekin erretratua ateratzean, bazirudien aita santuarekin nengoela; eskuak aurrean jarri behar ziren, ezin zenuen ez dakit zer egin...

Haren aholkulari titulua daukazu?

Praktikak egin behar ditut, eta doan eskainiko ditut; hori bai, animatzen denak hasi eta buka egin behar du.

Nondik hasi behar da Konmari metodoa aplikatzen?

Hurrenkera bat dago: arropa, liburuak, paperak, komono —beste taldeetan sartzen ez den guztia—, eta, azkenik, balio sentimentala duten gauzak. Oso garrantzitsua da horrela egitea: aukeratzeko gaitasuna hobetzen zoaz bakoitzean.

Etxe arrunt batean, gauzen ehuneko zenbat dago sobran?

Esaten dute %20 edo %30 bakarrik erabiltzen dugula, baina niri iruditzen zait gehiago dela. Dena den, egia da ez garela kontziente zer daukagun etxean.

Zer kosta zitzaizun gehien botatzea?

Etxe aldaketa asko egin ditut, eta, horregatik, ez dauzkat hainbeste gauza, eta hori inportantea da. Zailena ez dakit, baina badakit zer izan zen botatzen errazena: amaren etxeko trasteak. Zilbor hestea moztea bezala izan zen [barreak].

30 liburu baino ezin direla eduki esan omen zuen: posible al da?

Ikastaroan aipatu zuten, baina ez da egia: ez dakite nola zabaldu zen.

Bildumagile batek egin ahal izango luke, sakrifiziorik egin gabe?

Bai: gauzak banan-banan hartu eta zoriontasuna ematen badigute, toki berezi batean jarri beharko genituzke; berdin bilduma bateko aleekin. Poza ematen diguten gauzak bistara jarri behar dira; hala, gehiago baloratzen ditugu dauzkagun gauzak.

Zertan laguntzen du ordena hainbeste zaintzeak?

Sukaldea txukun daukazunean, janaria prestatzeko gogoa ematen du. Dena zerri eginda dagoenean, gurpil zoro batean sartzen zara. Nire ustez, sekulako indarra ematen du dena garbi edukitzeak, gauzak egiteko gogoa ematen du.

Zer eskatzen dizute bezeroek, zuk aholkatzen ez diezuna?

Garrantzitsua da kontziente izatea zer daukagun. Behar dena baino gehiago ez gastatzearren ere bai: eztabaida hori egoten da beti biltegiratzearekin. Nik badakit zer daukaten, eta, beraz, zenbat armairu behar dituzten. Eta, hala ere, betiko galdera: «Nahikoa izango da?».

Zenbat eta jende gehiago, zailagoa da etxea txukun mantentzea?

Bezeroak, orokorrean, umeak dituzten bikoteak izaten dira, eta ordena oso inportantea da umeentzat. Marie Kondorenaz gain, Montessoriren metodoa erabiltzen dut. Bi gauza komun dituzte: gauza bakoitzari bere tokia ematea —horregatik da txukuna izatea erraza—, eta gauzak baloratzea. Zer daukagun ez badakigu, ez diegu baliorik ematen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mirari Martiarena eta Idoia Torregarai ©Gorka Ruio / Foku

Martiarena eta Torregarai ‘Harpa jotzen’ ibiliko dira podcast batean

Urtzi Urkizu

EITBk astelehenean estreinatuko du umorezko podcasta. Zortzi atal izango dira, eta bakoitzean gonbidatu batekin gai zehatz baten inguruan mintzatuko dira.

 ©MARISOL RAMIREZ / FOKU

«Surfaren klixeak desegitea oso zaila da»

Enekoitz Telleria Sarriegi

Lopez de Gereñuk bere pasioetako bi uztartu ditu aurreneko aldiz: artea eta surfa. 'Surf Like You Are, Live Like You Surf' erakusketa jarri du Bilboko Itsasmuseumen. Erretratuak paperezko poltsetan egiten ditu.
 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Aleix Garrido dronearekin grabatzen. ©ALEIX GARRIDO

Hegan egitearen antzekoena?

Unai Etxenausia

Oraindik ere gerretan erabiltzen dira, baina oso bestelakoa da jende askok droneari ematen dion erabilera. Aisialdirako jarduera bat izateaz gain, eguneroko lanaren parte bihurtu da askorentzat. Legedia zorroztu da, eta baimen bereziak eskuratu behar dira arazo barik gidatu ahal izateko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.