LARREPETIT

Zizel

Maddi Ane Txoperena Iribarren -

2019ko abenduak 4

Zer irudi datorkigu gogora Euskal Herria diogunean? Larre berdeak, etxe zuri, teila gorriak? Ezkila gabeko elizen eremu emankorra? Kaia barrenean, ontzi txuri polit bat uraren gainean? Niri ez behintzat adreilu gorriz egindako etxe marroixka txikiak eta lur hautsez beteriko kale idorrak; zikoinen habiak kanpandorreetan. Badakidan arren hori ere badela. Baina larunbatean neure buruari ere traizio egin nion autoz Tuteran sartzen gindoazela paisaia horiek ikustean: «Hau ere Euskal Herria da?».

Zizelkariak dokumentalean baietz dio Edurne Leon Sanchez protagonistetako batek. Eta baietz, jakina baietz. «Tutera ez da berdea, Tuteran ez da euskaraz hitz egiten...», eta hain justu horrek egin diela kalte hainbat urtetan: «Saiatu izan gara gure gizartea eta gure herria aldatzen ezaugarri horiek betetzeko eta euskal herritarrak izateko». Baina ulertu dute ezetz: beharbada, hain justu, ezaugarri horiek betetzen ez dituztenak Euskal Herriaren iruditeriatik kanporatu ditugunok aldatu behar dugula pentsatzeko modua: «Apurtu behar dugu behingoz Euskal Herriak betidanik izan dituen ezaugarri horiekin». Eta haiei entzun: «Gauza asko ditugu esateko». Eta nola ez dituzte ba izango.

Horretaz guziaz dihardu larunbatean Tuteran estreinaturiko dokumentalak. Horretaz guziaz, baina baita askoz gehiagori buruz ere. Euskal Herriko ertz geografikoetan euskaldun sortu eta hazteaz, musika eta kultura betiko moldeetatik atera eta sortzeaz, gorputza plazaratzeaz, gazte antolakuntzaz, guzia zerotik eraikitzearen ilusioaz, Euskal Herria irudikatu eta amesteaz... Bakoitza bere egunerokotasunetik (eta era berean elkarrekin) bidea marrazten agertzen dira dokumentaleko sei zizelkariak.

Tuteran eman zuen lehen zizel kolpea, eta orain Euskal Herriko gainontzeko txokoetan bidea egitea baino ez zaio gelditzen. Gubia kolpe bakoitzeko, Euskal Herria zizelkatzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna