Txapelduna, larri

AEBek lanak izan dituzte Espainiari 1-2 irabazi eta Munduko Kopako final-laurdenetarako sailkatzeko. Suediak Kanada kanporatu du: 1-0
Megan Rapinoe, Espainiari sartutako bi goletako lehena ospatzen, atzo, Reimsen.
Megan Rapinoe, Espainiari sartutako bi goletako lehena ospatzen, atzo, Reimsen. TOLGA BOZOGLU / EFE Tamaina handiagoan ikusi

Julen Etxeberria -

2019ko ekainak 25

Azken txapelduna da AEBetako selekzioa, baita Frantziako eta Bretainian jokatzen ari den Munduko Kopa irabazteko faborito nagusia ere. Horren berri eman zuen ligaxkan, ikusgarri aritu baitzen, hemezortzi gol sartuta, eta bakar bat ere ez jasota. Atzo, ordea, lanak izan zituen final-zortzirenetan, Reimsen, Espainiari 1-2 irabazi eta final-laurdenetarako sailkatzeko. Estatubatuarrek penaltiz sartu zituzten bi golak, eta biak Megan Rapinoe kapitainak egin zituen: zazpigarren minutuan lehena, eta 75. minutuan bigarrena. Bi aldietan epaileak jokaldia telebistaz ikusi ondoren hartu zuen erabakia. Jennifer Hermoso aurrelari espainiarrak gola sartu zuen tartean, bederatzigarren minutuan.

AEBek Frantzia izango dute aurkari final-laurdenetan, datorren ostiralean, Parisen. Espainia, aldiz, kanpoan geratu da. Beraz, amaitu da Munduko Kopa txapelketan ari ziren lau euskal futbolarientzat, Mariasun Quiñones, Irene Paredes, Lucia Garcia eta Nahikari Garciarentzat.

Suedia, zortzi urte geroago

AEBak dira orain arte Europako selekzioen nagusitasunari aurre egin dioten bakarrak. Izan ere, sailkatu diren sei selekzioetatik bost dira Europakoak: Alemania, Norvegia, Frantzia, Ingalaterra, Frantzia eta Suedia. Azken selekzio hori atzo sailkatu zen, Kanada kanporatuta: 1-0. Stina Blacksteniusek sartu zuen gola, 55. minutuan. Gol horrek eta 69. minutuan Hedvig Lindahlek Janine Beckieri gelditutako penaltiak eman zion garaipena. Duela zortzi urte ez zirela horren urruti iritsi. Alemania izango dute aurkari larunbatean.

Gaur final-zortzirenetako azkeneko bi norgehiagokak jokatuko dituzte. Italia-Txina eta Herbehereak-Japonia. Aurrenekoan, italiarrak dira faborito. Bigarrengoan, berriz, ez dago faborito argirik. Irabazleek elkarren aurka jokatuko dute larunbatean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©MARKEL BAZANBIDE

«Irabazi egin nahi dut berriro; gutxienez, lortzeko gertu egon»

Iñigo Lasa

Aurreko denboraldiko arantza kendu, eta onenen artean egon nahi du berriro Mikel Aristi txirrindulariak. «Zaila» izango dela jakin arren, sasoiari ondo ekin diola adierazi du.
Jonathan Rousselle Bilbo Basketeko kapitaina, baloiarekin, sasoi honetako partida batean. ©BILBO BASKET

Pizgarri izan dakioke

Mikel O. Iribar

Bilbo Basketek Pinacar Karsiyakaren aurka irabazi behar du gaur, Txapeldunen Ligan jarraitzeko. Rousselle kapitaina baikor dago

Osasunak Espainiako Kopako final-laurdenak begiz joak ditu

Berria

Nafarroako taldeak Almerian jokatuko du gaur. Bolada txarra eten izana akuilu izatea nahi dute gorritxoek.
Borja Iglesias, goleko jaurtiketa bat egiten. Aurrelari espainiarrak egin zituen Betisen bi gol. ©Raul Caro Cadenas / EFE.

Realak amaitu du sasoi honetako kopako bidea, Betisen aurka galdu ondotik

Jon Ander De la Hoz

Txuri-urdinak irabazten hasi diren arren, markagailua irauli du Manuel Pellegriniren taldeak. Mateu Lahoz epaileak Illarramendi eta Sanabria kaleratu ondotik, hamar jokalarirekin amaitu dute bi taldeek. Carlos Fernadezek lehen minutuak jokatu ditu donostiarrekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.