Zauriak gozatu ditu

Sergio Higuitak irabazi du Vueltako Guadarrama mendilerroko etapa. Roglicek lidergoari eutsi dio, eta Quintanak podiumari, baina sufrituta
Sergio Andres Higuita, Vueltako 18. etapa irabazi berritan, atzo.
Sergio Andres Higuita, Vueltako 18. etapa irabazi berritan, atzo. JAVIER LIZON / EFE Tamaina handiagoan ikusi

Eñaut Agirrebengoa -

2019ko irailak 13

Aringarri baten beharra zuen Education First taldeak. Helburu handiekin ekin zion Espainiako Vueltari, baina jota utzi zuten lehen asteko erorikoek: Rigoberto Uran, Tejay Van Garderen eta Hugh Carthy galdu zituen. Liderrik gabe gelditu zen, alegia. Bada, zaurietan ukendu pixka bat jarri zuen atzo Sergio Higuitak, 18. etapa irabazita. Euskadi Fundazioan aritutako kolonbiarra eguneko ihesaldian sartu zen, beste hamabi txirrindularirekin, eta hura izan zen onenen multzoak harrapatu ez zuen bakarra. Oscar Rodriguez (Euskadi-Murias) jokoz kanpo gelditu zen, baina ez zuen amore eman, eta hamargarren izan zen.

Lasterketa lehertzeko azken-aurreko aukera zen faboritoentzat, lehen mailako lau mendaterekin. Horren jakitun zegoen Miguel Angel Lopez (Astana), eta, horregatik, temati jo zuen erasora. Helmugatik 60 kilometrora egin zuen lehen saiakera, Morcueran, eta Cotosen ere indar betean jardun zen. Merezi izan zion ahaleginak, 59 segundo atera baitzizkien Nairo Quintanari (Movistar) eta Tadej Pogacarri (UAE). Hala, laugarren jarri da sailkapenean, podiumetik 46 segundora. Lidergoan Primoz Roglic (Jumbo) dago oraindik. Herenegun susto galanta hartu zuen haize babesen karietara, baina egun samurragoa izan zuen atzo: bigarren izan zen, eta aldea handitu zuen gainsariei esker. Bi segundo atera zizkion Alejandro Valverderi (Movistar) eta sei gainontzeko aurkariei.

Liderrak lagun izan zuen taldekideen kontrol lan zorrotza. Kate motzean lotu zuten Lopez. Hala, hautagai guztiak batera iritsi ziren Cotosera, eguneko azken igoerara. Han, aurrera egin zuten Rafal Majkak (Bora), Lopezek, Valverdek eta Roglicek, eta ezinean gelditu ziren Pogacar eta Quintana. Esloveniarrak ahaleginak eta bi egin zituen indartsuenen taldera itzultzeko. Haatik, ihes egin zioten, podiumean sartzeko aukerek bezala.

Huiguitak garondoan nabaritu zuen atzean piztutako suaren berotasuna. Minutuko abantailarekin hasi zen azken mendatea igotzen, baina helmugan hamabost segundo soilik izan zituen sobera. Kolonbiarrak Morcuerako jaitsieran jo zuen erasoa, eta iheskideek ez zuten zirkinik ere egin. Rodriguez multzo horretan zen, eta, gainontzekoei bezala, ihes egin zion garaipenak. Edonola, beste postu on bat lortu zuen Muriasentzat. Zortzi etapatan izan dira taldeko ziklistak lehen hamarren artean, Mikel Iturriaren garaipena barne.

Gaur 165 kilometroko etapa laua jokatuko da Avila eta Toledo artean (Espainia). Ustez, tramite hutsa izan beharko litzateke faboritoentzat, baina hobe dute adi ibili. Haizeak joko du, eta eguraldi petrala espero da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Eñaut Agirrebengoa

Informazio osagarria