Hilak non daude?

Hilak egoten dira
biziek nahi duten lekuan.
Denok hildakoan,
nork erabakiko du
non gauden?

Heriotzaren jakitun ez banintz
ez nekike bizitzen.
Ez dut hil nahi
baina hilko naizela jakiteak
asko lasaitzen nau.

Dohatsua zu, Herio,
lortzen duzuna gizaki
guztiei ematea
itxura humano bat.
Dohatsua zu, batez ere,
ezabatuko dituzuna
ikusi nahi ez ditudan
guztiak.

Itxaroten dut irrikaz
nire goren arrakasta,
neure hileta.
Esango duzue
iraungo dudala
zuen oroimenean.
Baina hori
zuen oroimena da,
ez nirea.