Iturbe kargutik kentzeko eskatu du Podemosek

Berria -

2018ko ekainak 27

Maite Iturbe EITBko zuzendari nagusia kargugabetzeko eskaera eztabaidatuko dute bihar Eusko Legebiltzarrean. Elkarrekin Podemos taldeak aurkeztu du legez besteko proposamena, eta Andeka Larrea Podemos Euskadiko komunikazio arduradunak «urgentziazkotzat» eta «beharrezkotzat» jo du EITBko zuzendaritzan aldaketa egotea. Larrearen aburuz, hainbat arrazoi daude Iturbe kargutik kentzeko: «Plan edo proiektu estrategikorik ez izatea, aurreko astean kontrol batzordean berak aitortu zuen moduan; ekoiztetxeei egindako adjudikazioen opakutasuna, eta irizpideak azaltzeari uko egitea; eta lan gatazkak konpontzeko gaitasunik eza —ordezkari sindikalekin hitz egiteari uko egin dio, langileen eskaerak konpontzeko—». Podemosek deia egin die beste alderdiei eta Jaurlaritzari «adostasuneko» pertsona bat bilatzeko EITBko zuzendaritzarako: «Kargua hartzen duenak informazio plural, inpartzial eta objektiboa bermatu beharko du, eta beharrezko pausoak eman beharko ditu zuzendaritza taldeko izendapenak berdintasun irizpidearen eta karrera profesionalaren arabera egiteko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna