Albistea entzun

Sua, eguzkia goratzeko

Akelarrea egin dute Hernaniko kaleetan, San Joan bezperako gaua ospatzeko. Euskal Herriko hainbat herritan piztu dituzte suak

Euria egin arren, Hernanin lortu zuten sua piztea.
Euria egin arren, Hernanin lortu zuten sua piztea. JON URBE / FOKU Tamaina handiagoan ikusi

Ane Insausti -

2022ko ekainak 24 - Hernani

Baserritarren gonekin, aurpegia zikinduta eta txapela kiribil zuriak soinean zituztela, plaza hartu zuten hamaika herritarrek atzo iluntzean Hernanin (Gipuzkoa). Musikak eta oihuek lagunduta, akelarre itxura hartu zuen Gudarien plazak. Akelarrearen atzetik hasi zuten antzerkia, eta, inork zalantzarik bazuen, hasi orduko argitu zuten zergatik zegoen plaza beteta: «Udako solstizioa da gaur hemen ospatuko duguna», esan zuen antzezle batek plazari biraka dantza egin bitartean.

 

Urteko gaurik luzeena ospatzeko, antzerkia eta dantza tartekatu zituzten parte hartzaileek. Eguzkiaren eta ilargiaren garrantzia nabarmendu zuten, eta, ohiko Akelarreko dantzaz gain, hainbat koreografia egin zituzten. Besteak beste, Neomak taldearen Ilargi berriak kanta dantzatu zuten, makilak eskuan, suarentzat prestatutako gunearen inguruan. Antzerkia amaitu orduko hasi zen euria, baina, hala ere, lortu zuten sua piztea, 21:00etan. Suaren atzetik jarraitu zuen festak ere, etenik gabe.

Antzinako ohitura

Aspalditik dator ekainaren 24an sua pizteko ohitura Euskal Herrian. Gaur egun San Joan bezpera gisa ezagutu arren, jatorri paganoa du jaiak: ekainaren 21ean ospatzen zen lehen, hura baita urteko gaurik motzena eta egunik luzeena. Eguzkia omentzeko eta hari indarra emateko pizten zen sua, eta gaur, oraindik, izpiritu txarrak sutan erretzeko ohiturak hortxe dirau.

Hernanin bezala, hainbat herritan egin zioten ongietorria udako solstizioari, euria egin arren. Donostian, esaterako, 20:00etan egin zuten ekitaldi nagusia, Konstituzio Plazan. Agintarien esku dantza egin zuten udaleko ordezkariek. Zuzi bana eskuan hartuta, lizar baten inguruan elkartu ziren, eta su eman zioten zuhaitzari; ondoren haren inguruan dantza egin zuten.

Antzeko ekintzak antolatu zituzten beste hainbat herritan ere. Gasteizen, esate baterako, auzoz auzo ziren sua piztekoak. Bilbon bestelakoa izan zen egoera, ordea. Izan ere, Bilboko konpartsak 19:30ean ziren festa hastekoak, baina, Etxebarri parkea lokaztuta zegoela eta, bertan behera utzi zuten ospakizuna. Nafarroan, berriz, ez zen surik egiterik izan, azken egunetako suteen ondorioz Nafarroako Gobernuak horiek bertan behera uzteko agindu baitzuen. Dena den, beste hainbat ohitura mantendu zituzten: esate baterako, Duguna dantza taldeak San Joan bezperako sokadantza egin zuen, Iruñeko Santa Ana plazan, 19:30ean. Hori bai, datorren urtera arte itxaron beharko dute San Joan bezperako gaua suarekin ospatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

Sekulako giroa izan zen atzo Ondarroan, eguerditik hasita. ©URTZI URKIZU

'Azule', txingor euritan aurrera

Urtzi Urkizu

Bi urtez derrigorrez eten ostean, Zapato Azule jaia egin dute Ondarroan. Giro aparta izan da kaleetan, Dinamartxakoei ongietorria eman diete eta pentsiodunak omendu dituzte.
 ©ENDIKA PORTILLO / FOKU

«Niretzat, bertsoa terapia da; arazoren bat edukiz gero, bertsotan heltzen diot»

Amaia Ramirez de Okariz Kortabarria

40 urte igaro dira Arabako lehen bertso eskola sortu zutenetik, eta Lopez izan zen sortzaileetako bat. Ordutik, alboan izan du bertsoa, eta, eginiko lana eskertzeko, aurten berari eman diote Arabako bertsolari txapeldunari txapela jartzeko aukera.
Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...