Albistea entzun

PROPOSAMENAK

Burdin garairako bidaia

Mendeetako historia duten burdin meategiak dira Zeraingoak, eta galeriak eta labeak ikusteko ibilbide atsegina egin daiteke han
Burdina kiskaltzeko labeak ikus daitezke Aizpean.
Burdina kiskaltzeko labeak ikus daitezke Aizpean. ANDONI CANELLADA / FOKU Tamaina handiagoan ikusi

Olatz Esteban Ezkati -

2021eko abuztuak 6

Aizkorri-Aratz parke naturaleko magal berdeez inguraturik bizi da Zerain (Gipuzkoa). Nekazaritzari eta naturako lehengaiei erroturik egon izan da beti Goierriren bihotzean dagoen herri hori. Iragan meatzariaren aztarnak bizirik daude oraindik, eta herriak eskaintzen dituen interesgune nagusietako bat dira.

Herriko plazan topatuko du bisitariak turismo bulegoa. Handik irteten dira asteburuetan bisita gidatuak, behinola burdinaren ustiapen eremuak izan ziren lekura. Bestelako egunetan, nork bere kabuz ere bisita dezake ingurua. Herriaren mendebaldean dagoen Aizpea auzoan daude meategiok, plazatik hiru bat kilometrora. Oinez, 40 minutu inguruko paseo atsegina da, eta autoz joateko aukera ere badago.

Egun Burdinaren Mendia gisa ezagutzen den eremuan daude Aizpeako meategiak eta Aizpittako interpretazio zentroa. Burdingintza Zeraingo herritarren identitatearen parte izan da zortzi mendez: meategien lehen erreferentziak XII. mendekoak dira, eta ustiapen lanetan aritu ziren 1951. urtean azken labeak itxi zituzten arte. Mendeetako ustiaketek burdin lurretako paisaia berezia sortu dute inguruotan, eta Eusko Jaurlaritzako Kultura Sailaren Multzo Monumentala izendapena du meatze guneak.

Labeen ibilbidean

Azpittako interpretazio zentroan hurbiletik ezagutu daitezke meatzeen historia eta burdingintzaren prozesua, ikus-entzunezko erakusgelen bitartez. Burdingintzak izan duen garrantzian eta eraginean interesa duen ororentzat geldialdi ezinbestekoa da. Bertatik abiatzen da Labeen jiran deritzon ordu erdi inguruko ibilbidea. Aukera ederra da inguruko punturik esanguratsuenak arakatzeko, informazio mahaiz osaturiko gune tematikoa baita.

Ibilbidean, meatzeen barrunbeak bertatik bertara ikusteko aukera dago. Gainazaleko burdina amaitu zenean, galerietatik hasi ziren minerala ateratzen Aizpean, eta 200 galeria ingururen zantzuak geratzen dira. Polborina izenez ezagutzen da horietako bat, eta bertan murgildu daitezke bisitariak.

Industriaren garapenarekin batera, berrikuntzak heldu ziren Burdin mendira ere: XIX. eta XX. mendeetan burdinaren eskaintzaren hazkundeari erantzuteko hiru labe eraiki zituzten. Horiek dira meategien azken geldiunea. Garai hartako ekoizpen prozesua nolakoa zen ere ikus daiteke han. Turismo bulegoak gidaturiko bisitak egiten ditu udako asteburu zein jaiegunetan, 11:30ean. Horretarako, erreserba egitea komeni da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Diego Martin mekanikaria bizikleta baten balaztak estutzen, atzo, Iruñean- ©IDOIA ZABALETA / FOKU

Beharrezko mantentzea

Ainhoa Larretxea Agirre

Mugikortasunaren Nazioarteko Astea kari, bizikletak moldatu dituzte Iruñeko Gazteluko plazan. Hainbat herritar joan dira bertara, eta bizikletak nola konpondu ere ikasi dute.
 ©IDOIA ZABALETA / FOKU

«Organoa jotzen, zorion betean sentitu izan naiz»

Iker Tubia

Bere kasa ikasi zuen organoa jotzen, eta elizkizunak «edertzen» laguntzen du Mezkiritzen, duela 60 urtetik. Burua ongi duen bitartean jarraitzeko gogoz dela dio, nahiz eta lekukoa pasatzeko prest dagoen.
Jared Isaacman, Chris Sembroski, Hayley Arceneaux (goian) eta Sian Proctor, 'Inspiration4' batean. ©Inspiration 4

Soilik turistak eraman dituen lehenengo espaziontzia Lurrera itzuli da

Edu Lartzanguren

Atlantikoan jaso dituzte 'Inspiration 4' misioko lau bidaiariak. Astronauta profesionalik gabeko lehenengo saioa izan da.

Klaudio Landa saioko aurkezlea eta Unai Iparragirre ETBko zuzendaria saioaren aurkezpenean. ©ENDIKA PORTILLO / FOKU

'Baserria' 'reality show'-aren bigarren denboraldiak eztabaida saioa izango du

Ainhoa Larretxea Agirre

24 lehiakidek parte hartuko dute, bi taldetan banatuta. Lau proba baserritik kanpo egin dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna