Albistea entzun

Eusko Legebiltzarrak eraso LGTBIfobikoak salatu ditu

Unai Etxenausia -

2022ko maiatzak 18

Eusko Legebiltzarreko talde guztiek, Vox taldeak izan ezik, adierazpen bat adostu zuten atzo, LGTBIfobiaren Aurkako Nazioarteko Egunean: pertsona guztien sexu eta genero eskubideak eta askatasuna aldarrikatu zituzten. «Sexu aniztasunaren aurkako gorrotoak» eragindako erasoak salatu zituzten legebiltzarreko taldeek. Horrez gain, erakundeek eta alderdiek arratsaldeko mobilizazioetan parte hartzera deitu zuten, eta konpromisoa hartu dute LGTBI pertsonen ondoan egoteko eta LGTBIfobiari aurre egiteko: «Bai maiatzaren 17an, bai urteko gainerako 364 egunetan».

EAJk, EH Bilduk, PSE-EEk eta Elkarrekin Podemos-IUk agerraldia egin zuten legebiltzarrean testua irakurtzeko. PP+Cs-ek testua babestu arren, ez zen agerraldian egon. Gogora ekarri zuten OME Osasunaren Mundu Erakundeak homosexualitatea gaixotasunen zerrendatik kendu zuela 1990eko maiatzaren 17an. Sinatzaileek nabarmendu zutenez, data horrek «balio esanguratsua» du LGTBI kolektiboetakoentzat.

Adierazpenean jaso zutenez, «pandemiagatik eta horrek herritar guztiengan izan dituen ondorioengatik bi urte oso zailak izan ondoren, LGTBI kolektiboa izan da kolpatuenetako bat, desberdintasunaren arrakala areagotu eta indarkeria eta kalteberatasun egoerak areagotu baitira esparru askotan; sare sozialetan, kasurako».

Legebiltzarkideek nabarmendu zuten ezin dutela bidea bakarrik egin. «Ahaleginak batuko ditugu gizarte eragile guztiekin: gizarte bidezkoagoa, anitzagoa, errespetuzkoagoa eta integratzaileagoa eraikitzeko». Horrela, konpromisoa hartu zuten lanean jarraitzeko: berdintasunaren alde eta sexu eta genero orientazioagatiko diskriminaziorik ezaren alde: «Aniztasunaren bizipen askea sustatzeko».

Erasoak gaitzetsi dituzte

Bingen Zupiria Eusko Jaurlaritzako bozeramaileak adierazi zuenez, azken egunetan LGTBI kolektibokoen aurka izandako erasoek agerian uzten dute oraindik ere gizartean dauden «intolerantzia» jarrerei aurre egiten jarraitu behar dela. Horrez gain, azken egunotan hainbat tokitan izan diren eraso homofobo eta lesbofobo «larriak» gaitzetsi zituen: «Indarkeriazko ekintza horiek intolerantzia eta aniztasunarekiko errespetu faltaren ondorio dira, eta oinarrizko eskubideen aurkakoak».

Azpimarratu zuenez, «bizikidetza sustatzeko eta bermatzeko modu bakarra» tolerantzia handiagoa egotea eta gizarteko aniztasuna normal onartzea da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako aldirietako geltokia. ©Gorka Rubio / FOKU

Doako 92.236 abonu eman ditu Renfek Hego Euskal Herrian

Julen Otaegi Leonet

Duela hilabetetik doan bidaiatu ahal da Renferen aldiriko trenetan eta distantzia ertainekoetan. Abonuen %86,75 aldirikoei dagozkie; gainontzekoak, berriz, distantzia ertainekoei.

Sansoheta auziko epaituak, epaiketaren lehen egunean ©Jaizki Fontaneda / FOKU

Fiskaltzak hamalau eta 34 urte bitarteko zigorrak eskatu ditu 'Sansoheta auziko' hamar akusatuetatik seirentzat

Irati Urdalleta Lete

Orotara, hamar gizon eseri dira akusatuen aulkian, baina beste laurek aurreakordioa erdietsita daukate. Adingabeak galbideratzea, sexu abusuak egitea, adin txikikoen aurrean pornografia erakustea eta osasun publikoaren aurkako delituak egitea egozten diete.

Thomas Perlmann Fisiologia edo Medikuntzako Nobel Batzordeko idazkaria Medikuntzako Nobel Saria iragartzen ©Henrik Montgomery

Svante Paabo suediarrak irabazi du Medikuntzako Nobel saria

Berria

«Desagertutako hominidoen genomei eta giza eboluzioari buruzko» aurkikuntzak egiteagatik saritu dute Paabo.

Logroñoko espetxean sartu dute narkotrafikoarekin lotu duten ertzaina. ©Raquel Manzanares / EFE

Etxean 54 kilo kokaina zituen ertzaina espetxean sartu dute

Berria

Polizientzako modulu berezi batean dago, Logroñoko (Espainia) espetxean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...