Albistea entzun

LABek, Alvarezen zigorra salatu, eta neurriak eskatu dizkio Donostiako Udalari

LABeko kideari 240 euroko isuna jarri diote, 2018ko gertakari batengatik. Epaiak ezeztatu egin du Udaltzaingoaren bertsioa, Alvarezen arabera

Julen Aperribai -

2022ko urtarrilak 14

Donostiako Parte Zaharrean duela hiru urte Moussa Sow kaleko saltzailearen atxiloketa oztopatu izana leporatuta, 240 euroko isuna jarri zioten herenegun Joseba Alvarez ezker abertzaleko kide eta LABeko delegatuari. Epaileak ez zuen frogatutzat eman, ordea, Alvarezek «agintaritzaren kontrako atentatua» egin zuenik, Donostiako Udaltzaingoak, fiskaltzak eta Donostiako Udalak eskatua zuten moduan. Are, akusazio hori sostengatzen duten hainbat gertakari ez zituen frogatutzat eman zigor auzitegiak emandako epaiak; hala nola Alvarezek agenteetako bati heldu, beste bat lurretik altxatu eta udaltzainei irainak eta mehatxuak egin izana.

Edonola ere, Alvarez zigortzea erabaki zuen epaileak. Hori salatu zuen atzo Donostiako Udaleko LABeko sail sindikalak, agerraldi batean. Izan ere, epaiak «polizia gehiegikeriari eta arrazismoari aurre egitea» zigortu duela uste du sindikatuak, eta «larritzat» jo zuen hori.

Alvarezek berak BERRIAri azaldu zionez, epailea ez da ausartu absoluzioa ematera, «fiskaltzaren, Donostiako Udalaren eta Udaltzaingoaren jokabidea hankaz gora ez uzteko». Hala ere, epaiak Udaltzaingoaren bertsioa ezeztatu duela uste du: «Argi dago Poliziaren azpijoko bat zegoela, Udaltzaingoak sustatua, zigor zentzagarri bat egoteko nire kontra, salatzen ari ginelako Udaltzaingoa jarrera arrazista eta biolentoa izaten ari zela».

Epaia bi norabideko «abisutzat» ere har daitekeela uste du Alvarezek; batetik, Udaltzaingoari ohartarazten diolako «ezin dituztela Poliziaren azpijokoak auzitara nahi bezala eraman; eta, bestetik, herritarrei erakusten dielako Poliziaren gehiegikeriei aurre egiteagatik zigorra jaso dezaketela, modu ez-biolentoan aurre egin arren».

Ikerketa eskea udalari

Epaia baloratzeaz gain, Donostiako Udalari mintzatu zitzaion LAB atzoko agerraldian. Udaltzaingoaren «jokabidea ikertzeko» eskatu zion. Bestalde, LABen esanetan, gertatutakoak erakusten du Donostiako Udalaren jarrera «ez dela onena migrazioaren auzian». Salatu zuen Donostian ez direla errespetatzen «migranteen eskubide zibil eta politikoak».

Gainera, Poliziak kale saltzaileei «izugarrizko presioa» egiten diela deitoratu zuen, «hiriko zona nobleetan egon ez daitezen». Horregatik guztiagatik, bi eskaera egin zizkion sindikatuak udalari, hizpide zuten gertakarian udaltzainek izandako jokabidea ikertzeaz gain: «Udaltzaingoaren barruan jarrera biolento eta arrazistak ekiditeko neurriak har ditzala» eta «migranteen eskubide sozial eta politikoak errespeta daitezen neurriak har ditzala».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urte judizialaren irekiera ekitaldia, atzo, Bilbon. ©MIGUEL TOÑA / EFE

Botere judizialaren ospea galtzeko arriskuaz ohartarazi du Urkulluk

Gotzon Hermosilla

EAEko urte judizialari hasiera emateko ekitaldia egin dute Bilbon. Urkulluk kezka azaldu du Espainiako Botere Judizialaren Kontseilu Nagusiaren blokeoaz
Euskaraldiaren aurkezpena, atzo arratsaldean, Baionan. ©GUILLAUME FAUVEAU

Euskal Elkargoak Euskaraldirako ariguneak identifikatuko ditu

Ekhi Erremundegi Beloki

Euskaraldia kari, Euskal Herri osoan sortuko diren batzordeak eta dinamikak iraunarazten entseatu nahi dute aurtengo aldian
Sansoheta auziko epaituak, epaiketaren lehen egunean. ©JAIZKI FONTANEDA / FOKU

Sansohetako auziko sei akusaturentzat 34 urterainoko zigorrak eskatu ditu fiskalak

Irati Urdalleta Lete

Guztira, hamar gizonezko eseri dira akusatuen aulkian, baina beste laurek aurreakordioa erdietsi dute, eta zigor arinagoak jarriko dizkiete
Klima larrialdia salatzeko protesta bat, iaz, Bilbon. ©ARITZ LOIOLA / FOKU

Krisi ekologikoari buruz podcast bat eta buletin bat abiatu ditu BERRIAk

Mikel P. Ansa

Kinka. Klima eta natura krisian podcasta gaurtik aurrera entzun liteke, eta hamabostero atal berri bat kaleratuko dute. Albiste buletin bat ere zabaltzen hasiko dira, urriaren 20tik aurrera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...